Joe Satriani

Ti Wikipédia Sunda, énsiklopédi bébas
konsér di Rijnhal, Arnhem (12 Juni 2008)

Joe Sarriani nyaéta gitaris katut guru gitar anu lahir di Westbury, New York,Amerika Sarikat tanggal 15 Juli 1956[1][2][3]. Joe geus mulai maén gitar ti umur 14 taun kénéh, Joe diajar ka gitaris Billy Bauer jeung pianis Lennie Tristano, duanana nyaéta musisi jazz kasohor[1][3]. Taun 1978, Joe pindah ka Berkeley, Kalifornia, tuluy jadi méntor gitar[1][3]. Sababarah muridna nyaéta gitaris-gitaris anu kawilang suksés ayeuna, di antarana Steve Vai, David Bryson ti grup musik Counting Crows, Kirk Hemmett ti grup musik Metallica, Kevin Cordogan ti grup musik Third Eye Blind, Larry Lalonde ti grup musik primus jeung Charlie Hunter[1][2][3]. Salaki ti Rubina Satriani miboga ciri has, nyaéta sok maké kaca panon jeung osok maké gitar mérek Ibanez[2].

Joe Satriani ngarilis album pertamana taun 1986 kalayan judul album Not of This Earth, diteruskeun ku album Surfing With The Alien taun1987[1]. Disusul ku lbum Dreaming #11 dirilis taun 1988,Flying in a Blue Dream (1989), The Extremist (1992), Time Machine (1993), Joe Satriani (1995), G3: Live in Concert (1997), Crystal Planet (1998), jeung album lianna[1]. Nepi ka ayeuna Joe geus ngarilis total leuwih ti 10 album, nu panganyarna nyaéta Black Swams and Wormhole Wizards taun 2010 kamari[3].

Référénsi[édit | édit sumber]

  1. a b c d e f (en)Biografi Joe Satriani (diaksés tanggal 30 Nopémber 2011)
  2. a b c (en)bio-trivia-kutipan- Joe Satriani (diaksés tanggal 30 Nopémber 2011)
  3. a b c d e Artikel Joe Satriani-anneahira.com Archived 2012-01-11 di Wayback Machine (diaksés tanggal 30 Nopémber 2011)