Kabupatén Purworejo

Ti Wikipédia, énsiklopédia bébas
Luncat ka: pituduh, sungsi
Kabupatén Purworejo
Lambang Purworejo.jpg

Lambang Kabupatén Purworejo
Locator kabupaten purworejo.png

Peta lokasi Kabupatén Purworejo
Motto -
Propinsi Jawa Tengah
Ibukota Purworejo
Lega Wilayah 1.034 km²
Kordinat -
Pangeusi
 · Jumlah
 · Kapadetan
 
709.000 (2003)
685 jiwa/km²
Administratif
 · Kacamatan
 · Désa/kal
 
16
-
Dasar hukum UU No. 13/1950
Tanggal -
Bupati -
Kode area telepon 0275
DAU Rp. 281.270.000.000

Situs web resmi: -

Kabupatén Purworejo (Basa Jawa: Purwareja), nyaéta salasahiji kabupatén di Propinsi Jawa Tengah. Ibukotana nyaéta Purworejo. Kabupatén ieu wawatesan jeung Kabupatén Wonosobo sarta Kabupatén Magelang di beulah kalér, Propinsi Daérah Istiméwa Yogyakarta di beulah wétan, Sagara Indonésia di beulah kidul, sarta Kabupatén Kebumen di beulah kuloneunnana.

Géografi[édit | sunting sumber]

Beulah kidul wewengkon Kabupatén Purworejo mangrupakeun dataran handap. Beulah kalérna mangrupa pagunungan, bagéan tina Pagunungan Serayu. Dina wawatesan jeung DIY, aya Pagunungan Menoréh.

Purworejo aya dina jalur utama lintas kidul Pulo Jawa. Kabupatén ieu ogé diliwatan ku jalur kareta api, nu stasion panggedéna aya di Kutoarjo.

Babagian Administratif[édit | sunting sumber]

Kabupatén Purworejo ngawengku 16 kacamatan, nu dibagi deui kana sajumlah désa jeung kalurahan. Pusat pamaréntahannana aya di Kacamatan Purworejo. Kacamatan-kacamatan di Purworejo nyaéta:

Sajarah[édit | sunting sumber]

Prasasti Kayu Ara Hiwang kapanggih di Désa Boro Wétan (Kacamatan Banyuurip), anu lamun dikonvérsikeun kana kalénder Maséhi nyaéta tanggal 5 Oktober 901.

Tata kota Purworejo mangrupakeun warisan tata guna lahan ti jaman pamaréntahan Hindia Walanda. Sajumlah wangunan kuno masih karawat tur dipigunakeun nepi ka kiwari, diantarana Masjid Jami' Purworejo (taun 1834), bumi dines bupati (taun 1840), jeung wangunan nu kiwari dipikawanoh minangka Gareja GPIB (taun 1879). Alun-alun Purworejo legana 6 héktar, cénah mah mangrupakeun alun-alun panggedéna di Pulo Jawa.

Paékonomian[édit | sunting sumber]

Pertanian[édit | sunting sumber]

Aktivitas ékonomi kabupatén ieu gumantung kana séktor pertanian, diantarana paré, jagong, sampeu, jeung hasil palawija lianna. Séntra paré aya di Kacamatan Ngombol, Purwodadi, jeung Banyuurip. Jagong utamana dihasilkeun di Kacamatan Bruno. Sampeu kalolobaannana dihasilkeun di Kacamatan Pituruh.

Dina hambalan propinsi, Purworejo jadi salasahiji séntra panghasil rempah-rempah (Basa Jawa: empon-empon), nyaéta: kapulaga, kamukus, temulawak, cikur, konéng, jeung jahé. Lian ti keur bungbu pasakan, ogé digunakeun keur bahan baku jajamu. Empon-empon nu panglobana dihasilkeun di Purworejo nyaéta kapulaga. Séntra produksina aya di Kacamatan Kaligesing, Loano jeung Bener. Konsumén tutuwuhan empon-empon nyaéta tukang jajamu gandong, pangusaha industri jajamu jawa, jeung rumah makan.

Kurang leuwih 75 pabrik jajamu di Jawa Tengah ngandelkeun bahan baku ti kabupatén ieu. Nya kitu deui pangusaha jajamu tradisional di Cilacap, saperti Jaya Guna, Serbuk Sari, Serbuk Manjur, jeung Cap Tawon Sapi. Nu mareuli biasana ngadatangan sakitar lima toko bahan jajamu di Pasar Balédono.

Ingon-ingon[édit | sunting sumber]

Dina widang ingon-ingon, hasna Purworejo nyaeta embé peranakan ettawa (PE), nyaéta embé ti India nu awakna jangkung. Peternakaan kambing PE utamana di Kacamatan Kaligesing. Sésana ti Kacamatan Purworejo, Bruno, jeung Kemiri.

Di Kacamatan Kaligesing, embé ieu dikawinkeun jeung embé lokal sahingga kacipta embé PE ras Kaligesing. Unggal taun rébuan embé dipasarkeun ka luar Purworejo, kaasup ka Jawa Wétan (Ponorogo, Kediri, Trenggalek), Sumatra (Bengkulu jeung Jambi), Riau, sarta Kalimantan (Banjarmasin).

Industri[édit | sunting sumber]

Dina widang industri, Purworejo boga industri tékstil di Kacamatan Banyuurip. Lian ti tekstil, di kacamatan ieu aya dua industri pangolahan kayu nu ngagawekeun 387 tanaga gawe. Industri sejenna ngagawekeun 235 tanaga gawe di Kacamatan Bayan. Kiwari hasil industri nu mimiti naek daun nyaeta nyieun bal keur maén bal. Industri ieu mimiti dirintis taun 2002 di Désa Kaliboto, Kacamatan Bener, Purworejo, merekna Adiora geus nembus pasar mancanagara.

Inohong ti Purworejo[édit | sunting sumber]

 t·s·é 
Kabupatén jeung Kotamadya di Propinsi Jawa Tengah
Lambang Propinsi Jawa Tengah

Kabupaten: Banjarnegara | Banyumas | Batang | Blora | Boyolali | Brebes | Cilacap | Demak | Grobogan | Jepara | Karanganyar | Kebumén | Kendal | Klatén | Kudus | Magelang | Pati | Pekalongan | Pemalang | Purbalingga | Purworejo | Rembang | Semarang | Sragén | Sukoharjo | Tegal | Temanggung | Wonogiri | Wonosobo

Kota (kotamadya): Magelang | Pekalongan | Salatiga | Semarang | Surakarta | Tegal

Baca ogé daptar kabupatén jeung kotamadya di Indonésia


 

Kabupatén Purworejo, Jawa Tengah

Kacamatan: Bagelén | Banyuurip | Bayan | Bener | Bruno | Butuh | Gebang | Grabag | Kaligesing | Kemiri | Kutoarjo | Loano | Ngombol | Pituruh | Purwodadi | Purworejo |