Kanjut

Ti Wikipédia, énsiklopédia bébas
Luncat ka: pituduh, sungsi
Diagram kanjut. Di beulah kénca rohang tunica vaginalis geus dibuka; di beulah katuhu anu dibuka ukur lapisan sanggeus otot Cremaster.

Dina mamalia jalu, kanjut (hartina "kantong leutik") atawa skrotum (Ing. scrotum) nyaéta kantong kulit luar katut otot nu ngandung téstikel. Kanjut mangrupakeun terusan abdomén, nu tempatna antara sirit jeung kérod salawé. Homolog bikang nalika tumuwuhna utun inji nyaéta labia mayora.

Fungsi kanjut sigana pikeun ngajaga sangkan suhu téstikel tetep sahandapeun awak. Pikeun manusa, suhu sabudeureun nu idéal nyaéta 34.4 darajat Celsius (94 darajat Fahrenheit); 36.7 darajat Celsius (98 darajat Fahrenheit) bisa ngaruksak spérma. Suhu ieu diatur ku ngendorkeun atawa murungkutkeun kanjut, luyu jeung suhu sabudeureunana, ku cara nu katelah cremasteric reflex, prosés ngendoran jeung murungkutna otot cremaster na abdomén jeung dartos fascia (jaringan otot handapeun kulit) na kanjut.

Najan suhu nu cocog pikeun tumuwuhna spérma teu sarua di antara spésiés, pikeun spésiés getih-haneut mah biasana séd saeutik ti suhu jero awak.

Pikeun manusa jeung sababaraha rupa sato, kanjut téh sok katutup ku baok nalika manjing rumaja/puber.

Sumber rujukan[édit | sunting sumber]


Sistem baranahan
Wanoja: Serviks - Itil - Solobong fallopi - Kalenjar Bartholin - Hymen - Kalenjar susu - Ovarium - Kalenjar Skene - Urétra - Uterus - Heunceut
Lalaki: Kalenjar bulburétral - Kalenjar cowper - Saluran éjakulatori - Épididimis - Sirit - Prostat - Kanjut - Kantong mani - Tali spérmatik - Téstis - Urétra - Vas deferens