Kasur

Ti Wikipédia, énsiklopédia bébas basa Sunda
Luncat ka: pituduh, sungsi
Kasur pegas

Kasur nya éta tempat saré nu digebarkeun dijieunna tina urungg nu dijejelan kapuk, lemesna bolsak.[1] Ukuran kasur disaluyukeun kana gedé leutikna tempat saré, saperti no 1 ukuranana 1,80x2 méter jeung kandelna gedé leutik rata-rata antara 10-15 cm, no 2 ukuranana 1,60x2 méter, no 3 ukuranana 1,20x2 méter, jeung no 4 ukuranana 0,8x2 méter. [1]

Rupa-rupa Kasur[édit | sunting sumber]

  • Kasur busa

Material kasur ieu maké busa kalayan prosés kimiawi, anu dingaranan poliuretan.[2] Kahéngkéran ieu kasur nya éta matak hareudang jeung lamun dipaké lila bakal lépét, tapi éta ogé gumantung kana busa anu dipaké naha kualitasna alus atawa henteu.[2] Kaonjoyana kasur busa lamun geus dipaké bentukna bakal balik ka mimitina euweuh tapakna.[2] Harga kasur busa sakitar Rp 200.000,00 gumantung kana ukuran jeung kualitas busana.[2]

  • Kasur kapuk

Kapuk anu asalna tina tanggal randu.[2] Kaén anu motipna garis anu has pikeun ngabuntel éta kasur.[2] Saré dina kasur kapuk leuwih ngeunah jeung merenah ku sabab hipu jeung henteu panas.[2] Tapi kahéngkéran ieu kasur téh lamun dipaké lila mah sok jadi lépet. [2] Kasur kapuk henteu cocog pikeun jalma anu boga alérgi kana kebul ku sabab ayana kekebul tina kapuk.[2] Harga kasur relatip murah sakitas Rp 100.000,00.[2]

  • Kasur pegas (spring Bed)

Ieu kasur maké pegas (pér) jeung lapisan busa.[2] Mingkin loba pérna mingkin alus ogé kualitas kasurna.[2] Ilaharna Spring bed anu aya dipasaran unggal kasur spring bed na ngawengku 140 pegas per méter persegi. Bahan anu matak hipu téh nya éta ayana busa, lateks, atawa campuran kaduana, nepi ka aya spring bed anu maké Memory Foam.[2] Pegas bakal nahan awak nalika urang diuk atawa saré dina éta kasur. [2]

  • Kasur Latex (Latex Bed)

Jaman kiwari kasur lain ngan saukur tempat paranti saré, tapi kasur jadi hiji nangtukeun kualitas jalma dina saré anu nyatana jadi pangrojong pikeun produktivitas gawéna.[2] Salah sahiji kasur latex anu keur loba paminatna.Salain ngeunaheun kasur ieu dipercaya bisa nyingkahan baktéri, tumila jeung polusi.[2]

  • Kasur Cai

Kasur cai nya éta kasur anu dijieuna tina plastik vinil.[2] Di jero kasur dibagi jadi kompartemen-kompartemen sangkan cai henteu ngancul nalika ayana tekenan anu gedé.[2] Kasur cai umumna leuwih beurat dibandingkeun jeung kasur pegas, kasur lateks, atawa kasur karét busa.[2] Kasur ieu miboga kaonjoyan nya éta mérv rasa tiis ku sabab aya kandungan cai di jero kasurna. Salain ti éta cai anu dijerona bisa dirubah jadi cai haneut maké tanaga listrik sangkan teu ngarasa katirisan.[2] Bahan kimia ditambahkeun kana jero kasur sangkan nyingkahan alga jeung bakteri.[2]

Sajarah Kasur[édit | sunting sumber]

Photo on a 1940 USDA Keur ntieun kasur

Kecap kasur asalna tina bahasa Arab anu hartina ngalungkeun jeung tempat di mana sesuatu dilemparkan atawa samak, bantal. Salila perang salib, Éropa ngadopsi métode Arab lamun keur saré anu dibantal anu dialungkeun ka handap, jeung kecap materas ahirna turun ka Inggris pertengahan ngaliwatan bahasa-bahasa Roman.[2] Sanajan kasur bisa ditempatkeun langsung dina téras, biasana ditempatkeun di luhureun tempat paranti saré anu jauh tina taneuh.[2] Dasar tempat saré bisa jadi solid saperti Platform Bed, atawa élastis saperti kotak pér anu dilapisi atawa dipan anu panjang. Dasar tempat paranti saré anu fleksibel bisa manjangan umur kasur.[2] Sacara historis, eusi kasur geus diisian ku mangrupa bahan alami, saperti jarami, bulu jeung buuk kuda. Kasur modérn biasana diisian pér ditengahna atawa bahan latex, visco-elastic, atawa busa polyurethane.[2] Kasur ogé bisa diisian ku hawa atawa cai, jeung serat alami, saperti di futon. Dina taun 1901 nyieun kasur di Inggris VI-Spring mimiti dipikawanoh kasur anu maké pér anu dibungkus sacara individual (Pocket Spring).[2]

Kamekaran Kasur[édit | sunting sumber]

  • Neolitik periode Kasur jeung tempat saré geus diciptakeun. Temapt saré dijieun di luhureun taneuh sangkan nyingkahan kokotor jeung hama.[2]
  • 3600 SM : Tempat saré anu dijieun tina kulit domba anu diisian ku cai.[2] Kasur ieu téh dipaké di Persia.[2]
  • 3400 SM : Urang Mesir saré dina tumpukan baralak di ungal juru imah.[2]
  • 200 SM  : Kasur di Roma Kuno ngawengku tina kaén anu diisian ku alang-alang, jarami, atawa wol.[2] Sedengkeun jalma beunghar kasurna téh tina bulu-bulu.[2]
  • Abad ka-15 : Salila Renaissance , kasur dijieun tina kulit kacang, jarami atawa sakapeung mah tina bulu, anu diisiana sacara kasar jeung dilpisi ku ''beludru''.[2]
  • Abad 16 jeung 17 : Kasur anu eusina ku jarami atawa bulu jeung ditendeun di luhur tempat paranti saré anu ngawengku tina suluh jeung kisi-kisi tina tali atawa kulit.[2]
  • Awal abad ka-18 : Kasur anu diisian tina kapas jeung wol.[2]
  • Pertengahan abad ka-18 : Kasur mimiti dijieun tina kaén linen atawa katun berkualitas.[2] Kotak kasur mimiti puguh bentukna, jeung diisi pinuh ku serat alam saperti kararas, kapas, wol, jeung bulu kuda. Kasur aya kancingan paranti mengkeut cover jeung sisina dikaput.
  • Akhir abad ka-19 : Kotak pér diciptakeun, nyieun kasur saeutik ngampul.[2]
  • 1926 : Dunlop mikawanohkeun téknologi anu ngarubah getah karét jadi busa lateks anu ayeuna sok dipaké pikeun kasur lateks jeung bantal lateks, anu mimitina mah dijual pikeun anu aya patalina jeung Karajaan Inggris.[2]

catetan[édit | sunting sumber]

  1. a b [Danadibrata,R.A.(2006).Kamus Basa Sunda.Bandung: Kiblat Buku Utama. kaca 325]
  2. a b c d e f g h i j k l m n o p q r s t u v w x y z aa ab ac ad ae af ag ah ai aj ak al Mengenal Jenis - Jenis Kasur (Dicutat tanggal 2 November 2011)