Kopi anjing

Ti Wikipédia, énsiklopédia bébas
Luncat ka: pituduh, sungsi
Kopi anjing
Kopi anjing
Klasifikasi ilmiah
Order: Sapindales
Family: Fabaceae (Leguminosae)
Genus: Cynometra
Species: C. cauliflora
Ngaran binomial
Cynometra cauliflora

Kopi anjing atawa namnam (Lat. Cynometra cauliflora) nyaéta tutuwuhan pituin Asia Tenggara, utamana Indonésia nu kaasup kulawarga kakacangan. Tangkal kopi anjing mah leutik (3-15 m), tapi dahanna ngarangkadak, kembangna leutik (diaméter 1,2 cm).

Daun[édit | sunting sumber]

Daun kopi anjing boga dua anak daun, nu mun teu ditelek-telek mah kawas dua daun. lambaran daunna téh teu simétris, ukuranana 5-15 cm (panjang) jeung 2,5-7,5 cm (lébar), kelirna héjo bagedod.

Buah[édit | sunting sumber]

Buah kopi anjing

Buah kopi anjing bentukna kawas ginjal, panjang 5-10 cm, lébar 5 cm. Cangkang buahna teu beulah, tapi aya urat beubeulahanana. Kulitna kasar jeung rada kerejut, kelirna héjo pias semu coklat. Daging buahna baseuh kelir konéng, aya bauan, rasana haseum, sikina gedé.

Baranahan[édit | sunting sumber]

Tutuwuhan ieu sumebar tina sikina, najan bisa ogé dicangkok.

Sebutan séjén[édit | sunting sumber]

Di sababaraha wewengkon, kopi anjing disebut ogé heunceut anjing atawa pukih. Dina basa séjén, ieu tangkal katelah namnam (Jawa, Madura), kuwanjo (Bali), anjing-anjing (Malayu), puci anggi (Bima), puti anjeng (Makassar), arepa (Bugis), aloma (Seram), lamuta (Ambon), kfamute (Buru), namet (Halmahera Kidul), jeung namo-namo (Ternaté).

Sumber rujukan[édit | sunting sumber]

Tumbu kaluar[édit | sunting sumber]