Krakatau

Ti Wikipédia, énsiklopédia bébas
Luncat ka: pituduh, sungsi
Peta Gunung Krakatau
Gunung Krakatau

Krakatau nya éta ngaran gunung nu perenahna aya di selat Sunda. Ieu gunung téh kawentar ka sakuliah dunya alatan sajarah bituna anu kaasup bencana anu kacida rohakana. Ieu gunung bitu dina poé Senén, 27 Agustus 1883. Bituna kalintang rohakana, nepi ka ngabalukarkeun leuwih ti 36.000 urang palastra. Dina sajarah géologi saalam dunya, bituna gunung Krakatau kagolong gunung anu pangrohakana kalima. Gunung Krakatau jangkungna 2000 métér ti luhur bengeut laut kalayan sabudeureun basisir kawilang 11 Km jeung radius 9 km, tapi sabada bitu, gunung Krakatau ngancurkeun nepi ka tilu parapat awak gunung anu ngan nyésakeun tilu pulo badag, nya éta Pulo sertung, Pulo Rakata jeung Pulo Panjang sarta ngawangun kaldera di tengah-tengah antara éta tilu pulo.[1]

Saméméh taun 1883 aya dua gugusan gunung nu dibéré ngaran Gunung Danan jeung Gunung Perbuatan anu lila kalilaan ngahiji jeung pulo Rakata anu kiwari disebut Gunung Krakatau. [1] Dina taun 1880 anu disebut jaman strombolian, aktifitas gunung lumangsung salila sababaraha bulan jeung Gunung Perbuatan anu aktip ngaluarkeun lahar. [1] Sabada période éta euweuh aktivitas nepi ka kajadian bitu dina bulan Mei 1883 anu ngajadikeun bituna gunung ping 27 Agustus 1883. [1] Numutkeun sajarah bituna gunung krakatau ngajadikeun bencana di sababaraha daérah.[1] Saperti ngajadikeun tsunami anu ngarémbét nepi ka hawai, basisir kulon Amerika jeung semenanjung Arabia. [2] Bituna gunung krakatau ngaluarkeun batu badag anu ngajadikeun rusakna alam harita, batu jeung materialna nepi ka Sri lanka, India, Pakistan, Australia jeung Selandia Baru.[2]

Balukar tina bituna gunung Krakatau di wewengkon Merak

Kebul anu dihasilkeun sabada bituna gunung nutupan panonpoé nepi ka dua poé, nu ngajadikeun parobahan iklim global.[2] 40 taun sabada bituna gunung Krakatau, kira kira taun 1927 para Pamayang nu keur ngala lauk di Selat Sunda nimu kumpulan haseup anu kandel diantara tilu pulo hasil tina bituna gunung krakatau, tuluy dina ping 29 Désember 1929 kapanggih deui témbok kawah anu mencenghul ka dasar sagara minangka sumber erupsi anu nepi kiwari disebut Gunung Anak Krakatau.[1] Gunung Anak Krakatau saméméhna mah ngan sababaraha métér tapi kiwari geus miboga jangkung nepi ka 230 métér ti dasar sagara ti mimitina aya taun 1927.[1]

Galeri Foto[édit | sunting sumber]

Referensi[édit | sunting sumber]

  1. a b c d e f g (id)Gunung Krakatau (diaksés tanggal 8 Januari 2012)
  2. a b c (id)Kronologi dan dasyatnya letusan gunung Krakatau 1883 (diaksés tanggal 8 Januari 2012)
Nulis.jpg