Lalab

Ti Wikipédia, énsiklopédia bébas basa Sunda
Luncat ka: pituduh, sungsi
Rupi-rupi lalaban sareng sambel tarasi

Lalab nya eta dangdaunan, pupucukan, bubuahan d.a. nyalinyit, kemir, daum kacang nu dipaké deungeun dahar jeung didaharna atah; ting. Seupan; konéng joho atawa konéng temen ogé sok dilalab.[1]. Lalab mangrupa kadaharan khas Sunda. Ayeuna mah umumna dina lalab teh aya bonteng, salada, buncis, kacang panjang, tomat, leunca, kemangi,jeung terong. Kadang jenis sayuran anu ahéng dipaké oge keur lalab, saperti peuteuy jeung jengkol.[2] Cara ngadahar lalab teh dicocolkeun kana sambel tarasi umumna langsung dina coét. Ayeuna mah lalab téh geus kasohor di Indonesia. Biasana pikeun deungeun sangu saperti hayam bakar atawa goreng, pais atawa pepes, pecel lele, jeung rupa-rupa beuleum lauk atawa goreng jeung sajabana. Masarakat Sunda anu perenahna di Jawa Barat miboga budaya jeung pangaweruh anu paheut jeung alam sabudeureuna. Salain pikeun kadaharan lalab téh miboga manfaat nya éta pikeun kaséhatan. Lalab miboga fungsi pikeun sumber énérgi. Zat-zat anu nyangkaruk dina lalab nya éta karbohidrat, lemak, protein, vitamin, jeung mineral. [3] Lalab lain ngan saukur pikeun coél sambel wungkul tapi bisa diolah jadi kadaharan anu anyar. Sababaraha kadaharan anu bahan dasarna tina lalab nya éta karédok, pencok, loték, reuceuh jeung ulukutek.

Bagian tutuwuhan pikeun jadi lalab[édit | sunting sumber]

  • Bagian pucuk jeung daun anu ngora

Bagian ieu alus pikeun kaséhatan, utamana pikeun kacantikan sangkan awét anom jeung lemes kulitna. Diantarana :[4]

  1. Roay peda jeung roay kurupuk
  2. Bonténg
  3. Engkol
  4. Gandaria
  5. Gedang
  6. Buni
  7. Kadongdong Cina
  8. Jaat
  9. Jambu Bol
  10. Jambu Médé
  11. Kangkung
  12. Kacang Panjang
  13. Kastuba
  14. Katuk
  15. Leunca
  16. Lobak
  17. Surawung
  18. Baluntas
  19. Saladah cai jeung saladah bokor
  20. Cangkudu
  21. Kosambi
  22. Jongé
  23. Génjér
  • Bagian kembang pikeun lalab:
  1. Comrang
  2. Gedang
  3. Kadongdong Cina
  4. Leunca
  5. Surawwung
  6. Takokak
  • Bagian buah ngora pikeun lalab:
  1. Buncis
  2. Hiris
  3. Jaat
  4. Jagong
  5. Pari
  6. Nangka
  7. Labu siem
  8. Kacang panjang
  9. Gedang
  10. Jéngkol

Lalab di jaman kiwari[édit | sunting sumber]

Pepelakan anu ti mimiti pucuk, daun, kembang, buah, watang jeung beubeutian miboga mangpaat zat gizi anu alus pikeun kesehatan.[2] Sababaraha lalab miboga peran pikeun nyingkahan panyakit nya éta di antarana :

  • 'Kencing manis atawa diabetes mellitus': bisa diobatan ku 3 jenis lalab, nya éta koneng gedé, temulawak, jengkol jeung peteuy.
  • Panyakit Maag: bisa diobatan ku koneng, carana nya éta konéng diparud, tambahan ku cai asak tuluy disaring jeung tambahan ku kokonéngna endog, tuluy diinumkeun unggal isuk-isuk.
  • Obat lemah syahwat jeung awet anom : ku cara nyampurkeun 5 sereuh anu garing ditambah saeutik pedes jeung ragi kuéh, direndos nepi ka lembut jadi tipung.
  • Bau baham jeung awak: ku cara ngadahar baluntas jeung nginum cai daun seureuh.

Referensi[édit | sunting sumber]

  1. Danadibrata, R.A. Kamus Basa Sunda PT Kiblat Buku Utama. Bandung 2006. Halaman 384x
  2. a b [1]
  3. Suriawiria Unus, Lalab Dalam Budaya dan Kehidupan Masarakat Sunda. Granesia. Bandung 1987. Halaman 11-12 x
  4. Suriawiria Unus, Lalab Dalam Budaya dan Kehidupan Masarakat Sunda. Granesia. Bandung 1987. Halaman 11-12 x