Layanan Talatah Singget (SMS)
SMS, singketan tina kecap-kecap basa Inggris Short Message Service, nyaéta hiji layanan anu dilaksanakeun ku hiji telepon mobil pikeun ngirim atawa nampa talatah-talatah pondok.[1] SMS kawentar pisan di Eropa, Asia jeung Australia.[1] Di Amerika Serikat, SMS sacara rélatif jarang dipaké.[1] SMS kawentar ku sabab rélatif murah.[1] Di Indonésia, gumantung ka perusahaan, ilaharna SMS kira-kira Rp. 250,- nepi ka Rp. 350,-. [1]
Kamekaran SMS[édit | édit sumber]
Ide watesan 160 karakter di SMS diciptakeub ku Friedhelm Hillebrand, anu mekarkeun télékomunikasi anu asalna ti Deutsche Telekom Jerman.[2] Dina taun 1985, nalika peuting, Hillebrand diuk di kamar bari monolog jeung terus tatanya.[2] Nalika éta, juru tulis dipénta pikeun ngetik sakabéh omongana.[2] Sanggeus monolog, Hillebrand ngitung sakabéh aksara, angka, jeda aksara, tanda baca, jeung spasina. Sanggeus kitu kapanggih yén unggal kekecapanana unggal pada aya 160 karakter.[2] Hillebrand anu basa harita umurna 45 taun, ngébréhkeun yén pamanggihna téh tepat, ku sabab basa éta pakar télékomunikasi eukeur mekarkeun standar ayana hiji teknologi anu nyiptakeun telepon keupeul kalayan pikeun ngirim talatah ngaliwatan tulisan.[2] Satuluyna dina riungan kelompok pamekar GSM (Global System for Mobile Communications) taun 1985, Hillebrand jeung babaturanan anu ngarana Bernard Ghillebaert ngébréhkeun pamanggihna ngeunaan 160 karakter.[2] Satuluyna ide Hillebrand disaluyuan pikeun standar jumlah karakter dina SMS.[2]
SMS Gateway[édit | édit sumber]
SMS Gateway nyaéta hiji platform anu nyadiakeun mékanisme pikeun EUA nu nganterkeun jeung narima sms ti mobile (HP, PDA phone, dll) ngaliwatan SMS Gateway’s shortcode.[3]
catetan[édit | édit sumber]
- ↑ a b c d e Tarif SMS di Indonesia mahal atau murah(Dicutat tanggal 4 Oktober 2011)
- ↑ a b c d e f g Asal Mula Ide 160 Karakter di SMS Archived 2011-10-06 di Wayback Machine (Dicutat tanggal 4 November 2011)
- ↑ Pengertian SMS Gateway Archived 2012-02-06 di Wayback Machine (Dicutat tanggal 4 November 2011)