Layur

Ti Wikipédia Sunda, énsiklopédi bébas
Layur
Klasifikasi ilmiah
Karajaan:
Filum:
Ordo:
Kulawarga:
Génus:
Spésiés:
T. lepturus
Ngaran binomial
Trichiurus lepturus
Linnaeus, 1758
Lauk layur hasil néwak di Palabuanratu

Layur (Trichiurus lepturus) nyaéta lauk laut anu gampang dipikawanoh tina bentukna anu manjang sarta ipis. Ieu lauk sumebar di parairan tropika atawa sedeng. Jenis nu kapanggih di Samudra Pasifik jeung Samudra Atlantik dikanyahoankeun mangrupa populasi nu béda.[1]


Ukuran awakna bisa nepi ka panjang 2 m, kalawan beurat maksimum kacatete 5 kg jeung umurna bisa nepi kana 15 taunan. Ari karesepna dina pabeubeurang kukulintingan di cai nu déét deukeut basisir nu euyeub ku plankton krustasea. Dina waktu peuting ieu lauk ngadeukeutan ka dasar parairan.

Layur gampang dipanggihan di pasar lauk di Indonésia. Lian ti diolah minangka lauk asin, layur ogé jadi eupan pancing. Urang Jepang mah nyebutna tachiuo sarta ngadaharna atah-atah (minangka sashimi) atawa dibeuleum. Mun urang Koréa mah nyebutna galchi sarta ngasakanana ku digoréng atawa dibeuleum. Ieu lauk dipikaresep lantaran dagingna nu geunyal, teu pati hanyir, teu minyakan, sarta gampang dipisahkeun tina tulangna.


Rujukan[édit | édit sumber]


  1. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.