Leupeut

Ti Wikipédia, énsiklopédia bébas
Luncat ka: pituduh, sungsi
Leupeut di wewengkon Cianjur, dibungkus daun cau, dibeungkeut sapu pare atawa awi tali
Leupeut Kuningan dibungkus ku daun kalapa ngora


Leupeut Nyaéta kadaharan anu dijieun tina béas ceré atawa ketan di bungkus ku daun cau atawa daun kalapa (leupeut ketan), tungtung daunna ditilepkeun, bungkusna rada dibakutet ku tali awi, sok aya nu dikacangan, ngagodogna alusna make cai apu.[1]

Cara nyieunna: béas diisikan, diuyahan jeung diapuan, diadukkeun masing rata, dibungkus ku daun cau, dibeungkeut maké tali tina sapu paré, kadang-kadang sok disuukan, laju diseupan dikulub tepi ka asak.[2]

Fungsi leupeut minangka gaganti sangu.[2]

Kandungan gizina dina sahiji leupeut rata-rata: énérji 12,4 kkal; protéin 0,2 g; karbohidrat 2,7 g; kalsium 0,4 mg; jeung fosfor 5,1 mg. [2]

Leupeut béda jeung lontong, lantaran cara mungkusna jeung wangunna gé béda, padahal duanana ngagunakeun bahan pikeun mungkus anu sarua nyaéta daun cau.[3] Bahan anu dipasakna sarua nyaéta béas, kitu deui rasana gé sarua.[3] Ku kituna desain kemasan ogé nangtukeun idéntitas kadaharan.[3]

Leupeut Kuningan mah kadaharan has hasil karancagéan ibu-ibu désa Bandorasa Kulon, Kacamatan Cilimus, Kabupatén Kuningan.[4] Bahanna tina béas ketan, parud kalapa, suuk, jeung uyah.[4] Bahan-bahan tadi diasupkeun kana anyaman wangun pasagi panjang anu dijieun tina janur atawa daun kalapa. [4]Laju dikulub salila 3 jam tepi ka teuas.[4]

Rujukan[édit | sunting sumber]