Logam alkali

Ti Wikipédia, énsiklopédia bébas
Luncat ka: pituduh, sungsi
Golongan 1
Periode
1 1
H
2 3
Li
3 11
Na
4 19
K
5 37
Rb
6 55
Cs
7 87
Fr

Logam alkali hartina dérét unsur nu kaasup Golongan 1 (cara IUPAC) dina tabél periodik: litium (Li), natrium (Na), kalium (K), rubidium (Rb), césium (Cs), jeung fransium (Fr) (tengetkeun yén hidrogén, najan kaasup Golongan 1, jarang pisan némbongkeun paripolah nu sarupa jeung logam-logam alkali). Logam alkali téh hiji conto rimbagan pasipatan dina tabél periodik, anu ti luhur nepi ka handap watekna homolog.

Ciri[édit | sunting sumber]

Logam alkali, dikeueum dina minyak mineral.

Logam alkali kagolongkeun unsur réaktif, nu matak di alam jarang kapanggih dina bentuk dasarna. Pikeun kaperluan di laboratorium, ieu bahan dikeueum dina minyak mineral. Najan kaasup logam, ieu unsur hipu bisa dikeureut, sabab dénsitasna kurang. Kalium jeung rubidium kaasup radioaktif lemah (teu matak bahya), sabab durasi isotop radioaktifna panjang.

Réaksina dina amonia[édit | sunting sumber]

Logam alkali dina amonia cair ngahasilkeun leyuran bulao nu paramagnétik. Mun geus ngadeukeutan jenuh, warnana jadi bungur, laju jadi métalik.

K + NH3 → K+ + e-

Kusabab leyuranana ngandung éléktron bébas, volumna jadi nambahan leuwih ti jumlah volum logam jeung amoniana. Ayana éléktron ogé ngajadikeun ieu leyuran alus salaku réduktor jeung konduktor listrik. Ieu leyuran henteu stabil, sabab biasana robah jadi amida. Ieu réaksi, mun digancangkeun ku ayana katalis (biasana beusi (III) nitrat), dipaké pikeun ngahasilkeun amida natrium:

2 Na + 2 NH3 → 2 NaNH2 + H2

Amidana bisa diékstrak atawa dirobah jadi azida natrium ku cara ngabulukbukkeun oksida nitrogén kana leyuran amonia:

2 NaNH2 + N2ONaN3 + NaOH + NH3

Kacondongan[édit | sunting sumber]

Logam-logam alkali mibanda sababaraha pola mun dipapay ti luhur ka handap - misalna waé éléktronégativitas nurun, réaktivitas naék, sarta nurunna titik lééh jeung golak. Dénsitasna biasana ngaronjat, iwal kalium nu hampang batan natrium.

Logam alkali Beurat Atom Baku (u) Titik Lééh (K) Titik Golak (K) Dénsitas (g·cm−3) Éléktronégativitas (Pauling)
Lithium 6.941 453.69 1615 0.534 0.98
Natrium 22.990 370.87 1156 0.968 0.93
Kalium 39.098 336.53 1032 0.89 0.82
Rubidium 85.468 312.46 961 1.532 0.82
Césium 132.905 301.59 944 1.93 0.79
Fransium (223) ? 295 ? 950 ? 1.87 0.7

Rujukan[édit | sunting sumber]

Tumbu kaluar[édit | sunting sumber]


Pedaran potongan tabél periodik di luhur:
Logam alkali Nomer atom nu hideung hartina padet Wates garis pinuh nunjukkeun unsur primordial (leuwih kolot batan Marcapada) Wates garis pegat-pegat nunjukkeun unsur radioaktif alami nu isotopna teu leuwih kolot batan Marcapada


Tabel periodik

Tabel baku | Tabel vértikal | Tabel antizat | Tabel jeung ngaran | Ngaran jeung massa atom (badag) | Ngaran jeung massa atom (leutik) | Blok-F satabel | Unsur-unsur nepi ka-218 | Konfigurasi éléktron | Logam jeung nonlogam | Tabel dumasar blok
Daptar Unsur
Ngaran | Lambang atom | Wilangan atom | Titik golak | Titik lééh | Dénsiti | Massa atom
Golongan | Periode | Dérét | Blok


Nulis.jpg