Méncrét

Ti Wikipédia, énsiklopédia bébas basa Sunda
Luncat ka: pituduh, sungsi
Bakteri Esch coli, salah sahiji bakteri anu ngabalukarkeun mencret

Méncrét, Diaré nyaéta gangguan nyerepna cai dina usus gede nepi ka hampas kadaharan nu dikaluarkeun awak wujudna éncér.[1] Hiji jalama disebut ngalaman méncrét lamun manéhna miceun leuwih ti tilu kali dina sapoé nu dibarengan parobahan wangun fases jadi leyur atawa cair.[2] Kaayaan ieu bisa kaalaman ku kabéh golongan umur sacara akut atawa sacara kronis lamun kajadianna lumangsung leuwih ti 2 minggu.[1]

Panyabab Méncrét[édit | sunting sumber]

Méncrét disababkeun ku sawatara faktor, anatara séjén inféksi saluran pencernaan, gangguan penyerapan kadaharan, masalah dina psikologis kawas rasa sieun sarta waswas, alérgi, tumor dina saluran pencernaan, lingkungan anu kotor, sarta konsumsi kadaharan sarta inuman aya racunan, lada teuing, basi, kotor, atawa atah kénéh.[1] Mikroorganisme anu mindeng ngabalukarkeun diare ngawengku virus (ti golongan rotavirus); baktéri ''Escherichia coli'', ''Vibrio cholerae'', ''Shigella sp'', ''Salmonella sp'', ''Clostridum difficille'', sarta Yersinia enterotilica, protozoa Giardia lambia, Entamoeba histolytica, sarta Cryptosporidium parvum, cacing ''Trichuris trichiura'' sarta Ascaris lumbricoides, sarta suung Candida albicans. Wangun feses dina nu ngalaman diaré bisa ngaindikasikeun jenis mikroorganisme panyabab diaré kasebut.[1] Mikroorganisme kasebut ngahasilkeun toksin atawa sanyawa racun anu ngrangsang dingding peujit pikeun mroduksi cairan.[1] Hal ieu ngabalukarkeun gerak peristaltik jadi ngaronjat ku kituna lumangsung kaluarna feses éncér anu loba.[1] Hal ieu bisa ditempo dina panyakit koléra anu dibalukarkeun ku baktéri Vibrio cholerae.[1] Mikroorganisme anu ngainféksi sarta ngarusak dingding peujit ngabalukarkeun lumangsungna kaluar leuleueur sarta getih dina feses anu dibarengan jeung rasa mules.[1] Méncrét kawas ieu biasana dibalukarkeun ku baktéri ti genus ''Shigella''. Sajaba ti éta, inféksi mikroorganisme anu ngarusak dingding peujit bisa ngurangan panyerepan zat-zat kadaharan di jero peujit.[1] Pikeun ngaganti cairan kasebut, si jelema nu gering méncrét dianjurkeun nginum cairan oralit sarta geura-giru berobat ka dokter.[1]

Rujukan[édit | sunting sumber]

  1. a b c d e f g h i j Syamsuri, Istamar. Biologi Jilid II Untuk SMA Kelas XI Semester 1. Jakarta: Erlangga. Kaca 34
  2. (id) Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve
Nulis.jpg

su:Diaré