Métamorfosis

Ti Wikipédia, énsiklopédia bébas
Luncat ka: pituduh, sungsi
Hileud Pieris rapae
Kepongpong Pieris rapae

Métamorfosis hartina prosés biologis kamekaran pangawakan hiji sato sanggeus megar atawa borojol, ngawengku parobahan bentuk atawa struktur alatan diferensiasi tumuwuhna sél.

Hambalan[édit | sunting sumber]

Métamorfosis biasana lumangsung ngaliwatan sababaraha hambalan, dimimitian ku larva atawa hileud, asup kana kepongpong, terus sawawa.

Hambalan "can sawawa" spésiés-spésiés nu ngalaman métamorfosis ilaharna disebut larva, tapi ari dina serangga nu métamorfosisna kompléks, sebutan larva téh nujul ka hambalan kahiji wungkul, nu salajengna robah jadi sababaraha bentuk séjén, saméméh bener-bener sawawa.

Métamorfosis serangga[édit | sunting sumber]

Sakabéh serangga Apterygota jeung kalolobaan Exopterygota kagolongkeun hémimétabolik, sedengkeun Endopterygota mah kabéhanana holométabolik. Najan kitu, aya sababaraha Exopterygota -- kayaning Thysanoptera, Aleyrodidae, jeung Coccoidea jalu -- ngalaman métamorfosis nu sarupa jeung nu hémimétabolik.

Pangaturan hormonal[édit | sunting sumber]

Métamorfosis jeung tumuwuhna serangga diatur ku hormon nu dijieun ku kelenjar éndokrin di bagian hareup awakna.

Sababaraha sél uteuk serangga nyékrésikeun hormon nu ngagiatkeun kelenjar toraks, nu ngaluarkeun hormon kadua nu mangrupa stéroid (ékdisona), nu nginduksi métamorfosis. Corpora allata ngahasilkeun hormon juvenil, nu nyegah mekarna ciri kasawawaan, sangkan bisa neruskeun ékdisis. Ku kituna, serangga kakara ngalaman métamorfosis mun produksi hormon juvenilna eureun.

Baca ogé[édit | sunting sumber]

Rujukan[édit | sunting sumber]

  • Metamorphosis, Wikipédia édisi basa Inggris (31 Agustus 2006)
  • Davies, R.G., Outlines of Entomology, Chapman and Hall: chapter 3

Tumbu kaluar[édit | sunting sumber]