Mahoni

Ti Wikipédia, énsiklopédia bébas basa Sunda
Luncat ka: pituduh, sungsi
Mahoni
Mahoni sebagai tanaman pelindung.
Status konservasi
Klasifikasi ilmiah
Kingdom: Plantae
(unranked): Angiosperms
(unranked): Eudicots
(unranked): Rosids
Order: Sapindales
Family: Meliaceae
Genus: Swietenia
Species: S. macrophylla
Ngaran binomial
Swietenia macrophylla
King

Mahoni nya éta ngaran tangkal kai anu bisa kapanggih tumuwuh liar di leuweung jati sarta tempat-ternpat séjén anu deukeut jeung basisir, atawa dipelak di sisi jalan.[1] Pepelakan anu asalna ti Hindia Barat ieu, bisa tumuwuh subur saupama tumuwuh dina keusik nu deukeut jeung basisir.[1] Tangkalna jangkung, ti 5 méter nepi ka 25 méter, akarna tunggang, watangna buleud, loba régangna, kaina geutahan.[1] Daunna daun majemuk, wangun daunna lonjong, tungtung jeung pangkal daunna seukeut, sisina rata, panjangna ti 3 nepi ka 15 sénti.[1] Daun ngora warnana beureum, sanggeus kolot warnana héjo.[1] Mahoni kembangan nalika umurna geus 7 taun.[1] Buahna warna coklat.[1] Sikina gepéng, warnana hideung atawa coklat.[1]
Tangkal mahoni anu jangkung tur roba régangna dimangpaatkeun minangka tangkal pikeun ngiuhan, ku kituna loba dipelak di sisi jalan.[2] Salian ti éta ogé dimangpaatkeun pikeun dijadikeun ubar.[2] Anu biasa dimangpaatkeun nya éta sikina.[2] Mahoni ngandung saponin jeung planovoida.[1] Kasakit anu biasa diubaran ku mahoni nya éta tekanan darah tinggi (Hipertensi), kurang napsu dahar, panas; kencing manis (Diabetes mellitus), asup angin, Ekzema, Rematik.[1]

Referensi[édit | sunting sumber]

  1. a b c d e f g h i j MAhoni (id) (Diakses ping 11 November 2011)
  2. a b c Mahoni (id) (Diakses ping 11 November 2011)