Mickey Mouse

Ti Wikipédia, énsiklopédia bébas basa Sunda
Luncat ka: pituduh, sungsi

Mickey Mouse nya éta salasahiji tokoh animasi (kartun) anu dijieun ku Walt Disney anu jadi film kartun favorit mangsa harita[1].Tokoh Mickey Mouse jadi tokoh kartun nu munggaran dijieun[1]. Plane Crazy nya éta film animasi munggaran anu mintonkeun Miki Mouse[2]. Ieu mangrupa film hitam putih sarta teu aya dialog[2]. Anu disutradaraan ku Walt Disney jeung Ub Iwerks taun 1927 anu dimedalkeun tanggal 15 Mei 1928. Plane Crazy diiluan ku The Gallopin’ Gaucho jeung Steamboat Willie[2]. Mimitina, Miki dijieun salaku gaganti Oswald the Lucky Rabbit anu dijieun ku Walt Disney jeung Ub Iwerks jang Charles Mintz ti Universal Studios tapi maranèhna dipecat nalika mènta bayaran anu leuwih luhur jang Oswald anu geus populer jeung ti harita Oswald digambar ku jalma sèjèn[2]. Jang kahirupan pausahaan, Walt kudu nèangan karakter anyar jeung ide ngeunaan Miki mouse mimiti aya nalika Walt aya dina karèta[2]. Karakter èta dingaranan Miki tèh nya èta Mortimer ngan pamajikanana, Lillian Disney, kurang resep[2]. Ayeuna ngaran Mortimer dipakè jadi ngaran musuh Miki dina marebutkeun Mini[2]. Miki jeung Mini mimiti aya dina Plane Crazy anu dirilis 15 Mei 1928[2]. Tapi The Walt Disney Company satuluyna mièling milangkala Miki tanggal 18 November 1928, nya èta tanggal rilis animasi Steamboat Willie, film animasi Miki Mouse anu mimiti aya soraan[2]. Miki Mouse ngahontal mangsa kajayaanana ti mimiti taun 1930-an nepi ka 1950-an[2].Tapi mimiti taun 1950-an posisi kajayaanna kaèrèh ku Tom and Jerry anu boga rating jeung nu mikaresepna leuwih loba tibatan nu mikaresep Miki Mouse jeung Silly Symphonies[2]. Nalika taun 1955, kajayaan Miki Mouse geus kaganti ku babaturanana anu aya di Walt Disney, Donal bèbèk anu dipikaresep ku jalma anu leuwih loba tibatan nu mikaresep Miki Mouse[2].1970-an – kiwari Nalika ping 18 November 1978, nalika milangkala Miki nu ka-50, manèhna jadi karakter kartun anu munggaran nu meunang bèntang nalika Holywood Walk of Fame, tegesna di 6925 Hollywood Boulevard[2]. Taun 1988, jang anu munggaran miki tampil jeung Bugs Bunny dina Who Framed Roger Rabbit[2]. Bugs Bunny nya èta salasahiji saingan Miki ti Warner Bros[2]. Dina èta film, duanana miboga waktu minton anu sarua. Film èta ogè jadi hiji kajadian anu jadi sajarah di dunya perfilman[2]. Program-program tipi anu mintonkeun Miki kiwari nya èta Mickey Mouse Works jeung Disney’s House of Mouse sedengkeun sababaraha film Miki ayeuna nya èta Mickey’s Christmas Carol 1983, Runaway Brain1995, jeung The Three Musketeers sarta Mickey’s Twice Upon a Christmas 2004[2]. Miki ogè boga bagèan dina video game Kingdom Hearts karya Disney Interactive jeung Square Enix salaku raja istana Disney , ari Mini salaku ratuna, Donal Bèbèk salaku ‘’penyihir’’, jeung Gufi salaku nu ngajaga istana[2]. Dina game munggaran, miki can pati loba katingali, tapi di sekuel Kingdom Hearts: Chain of Memories jang Game Boy Advance, Miki geus mimiti aya jeung miboga peran anu leuwih gedè di Kingdom Hearts II[2].

Referensi[édit | sunting sumber]

  1. a b Kartun Pertama(diakses 18 November 2011)
  2. a b c d e f g h i j k l m n o p q r s sejarah MICKEY MOUSE <3(diakses ping 10 November 2011)
Nulis.jpg