Mocca (grup musik)

Ti Wikipédia, énsiklopédia bébas
Luncat ka: pituduh, sungsi
Konsér Mocca, 4 Pébruari 2005 di Esplanade, Singapura

Mocca nya éta grup musik asal Bandung anu personilna Riko Prayitno (gitar), Arina Ephipania (vokal jeung flute), Achmad Pratama (bass), jeung Indra Massad (drum)[1][2]. Awalna, Arina jeung Riko nya éta babaturan sakampus di Institut Teknologi Nasional (Bandung) (Itenas), maranéhna kagabung dina grup musik kampus taun 1997, alatan teu sapaham jeung personil séjénna, Arina jeung Riko ngabentuk Mocca[1][2]. Dua taun kahareupna, Arina jeung Riko papanggih jeung Indra katut Toma, terus duanana asup ka Mocca[1][2]. Mocca pertama kalina muncul dina kompilasi Delicatesse taun 2002[1][2].

Nepi ka ayeuna, Mocca masih panceg dina indie label, keur Arina saparakanca nu penting mah ngalaksanakeun hiji hal kalayan senang haté jeung ihlas, hasilna pasti bakal maksimal[3]. Ti awalna ogé, Mocca mah lain ngudag popularitas, kukituna Mocca henteu asup major label[3]. Lagu-lagu Mocca sorangan loba maké basa Inggris, alesanna mah ngarah gampang nuliskeun rumpaka lagu anu saluyu jeung warna musik Mocca anu aliranna swing jazz, twee pop, ditambah suasana 60-an[2].

Diskografi[édit | sunting sumber]

Debut albumna dimulai dina judul My Diary anu dirilis taun 2003, ieu album payu di Pasar musik, lagu-laguna Secret Admirer jeung Me and My Boyfriend jadi hits dimamana[2]. Mocca ngarilis album kaduana taun 2005 kalayan judul Friends masih dina indie label, dina ieu album Mocca ngajak musisi-musisi kawéntar dina laguna saperti Bob Tutupoli jeung duo Club 8 asal Swedia[1]. Taun 2007, Mocca ngarilis album katiluna Colours, ieu album ngamuat matéri anyar kaasup mawakeun lagu musisi séjén (covering), diantarana: lagu Hyperballad (Björk) jeung Sing (The Carpenters) sarta kolaborasi jeung Pelle Carlberg anu pernah jadi tamu dina acara LA Light Indiefest dina lagu Let Me Go[1]. Album nu panganyarna nya éta Happy Birthday[3].

Référénsi[édit | sunting sumber]

  1. a b c d e f [Mocca-Indonesiantunes] (diaksés 11 Nopémber 2011)
  2. a b c d e f [Mocca-Hot.detik.com] (diaksés tanggal 11 Nopémber 2011)
  3. a b c [Mocca-Berita Kapanlagi] (diaksés tanggal 11 Nopémber 2011)
Nulis.jpg