Modulasi kode pulsa

Ti Wikipédia, énsiklopédia bébas
Luncat ka: pituduh, sungsi

Modulasi kode pulsa (Basa Inggris: Pulse-code modulation Basa Walanda: Pulscodemodulatie (PCM)) nyaéta pawujudan (répréséntasi) digital ti sinyal analog dimana conto amplitudo sinyal analog kasebut dicokot (disampling) sacara réguler dina interval waktu nu saragem, tuluy dikuantisasi kana sakumpulan simbul dina wangun kode numerik (biasana binér).

Prosés dasar[édit | sunting sumber]

Prosés dasar PCM nyaéta nyokot conto sinyal (basa Inggris: sampling), kuantisasi (basa Inggris: quantizing), jeung méré kode (basa Inggris: encoding)

Modulasi kode pulsa

Sampling nyaéta prosés dimana sinyal waktu kontinyu dicokot conto-contona ku cara ngukur amplitudona dina waktu-waktu sakedapan nu diskrit. Sedengkeun kuantisasi nyaéta ngalambangkeun harga-harga conto amplitudo nu dicokot jadi sakumpulan undakan (level). Ari encoding nyaéta méré tiap level kuantisasi kana hiji kode.

Samentara sampling ngarobah hiji sinyal waktu kontinyu jadi sinyal waktu diskrit, kuantisasi mah ngarobah hiji conto amplitudo kontinyu jadi conto amplitudo diskrit. Jadi, palaksanaan (operasi) sampling jeung kuantisasi ngarobah hiji sinyal analog jadi hiji sinyal digital.

Operasi kuantisasi jeung encoding biasana dilaksanakeun dina sirkuit anu sarua nu disebut analogue-to-digital converter (ADC).

Pamakéan kuantisasi jeung encoding babarengan dina PCM ieu ngabedakeun téknik PCM ti téknik modulasi pulsa analog.

Sinyal analog dikonvérsi kana sinyal digital dina sahiji laju sampling nu tangtu. Leuwih gancang laju sampling, mangka sinyal hasil sampling beuki deukeut kana sinyal aslina atawa disebut leuwih fidelitas.

Lamun sinyal disampling kana 16 tingkatan mangka kuantisasina disebut kuantisasi 4-bit lantaran tiap tingkatna dikodekeun kana 4 dijit gabungan 0 jeung 1, nyaéta:

Sampling jeung kuantisasi hiji sinyal (digambarkeun ku warna beureum) dina PCM 4-bit.
0 (0000)
1 (0001)
2 (0010)
3 (0011)
4 (0100)
5 (0101)
6 (0110)
7 (0111)
8 (1000)
9 (1001)
10 (1010)
11 (1011)
12 (1100)
13 (1101)
14 (1110)
15 (1111)

Prosés sampling jeung kuantisasi dilakukeun ku alat anu katelah analog-to-digital converter (ADC). Kaluaran tina ADC geus mangrupa sinyal digital. Supaya sinyal analog anu geus dirobah kana wangunan digital bisa kabaca atawa kaharti ku si panarima mangka sinyal digital dimaksud kudu dikonversi balik jadi sinyal analog. Alat anu ngarobah sinyal digital jadi sinyal analog disebut digital-to-analog converter (DAC). Sanajan kitu, samemeh dirobah kana sinyal analog, sinyal digital kasebut bisa dirobah atawa dikokolakeun dina sahiji prosés anu disabut pamrosésan sinyal digital atawa digital signal processing dimana éta sinyal bisa disaring tina gangguan.

Tempo ogé[édit | sunting sumber]

Rujukan[édit | sunting sumber]

  1. Hsu, Hwei P., Schaum's Outline of Theory and Problems of Analog and Digital Communications, McGraw Hill, 1993