Nadom alam mahsyar

Ti Wikipédia, énsiklopédia bébas
Luncat ka: pituduh, sungsi

masyaallah matak keular,
diakhirat kabeh geular,
ti pakuburuan ngaleuncar,
kaluar ka alam mahsyar

ari ngaran mahsyar eta,
palataran anu rata,
panas na waktu harita,
panon poe tujuh nyata,

teu jauh tujuhanana,
kira sapal antarana,
narojo tujuhanana,
ka jalma goreng amalna,

hanteu aya iyuh iyuh
pikeun urang tempat nyuuh
salawasna ngan pakewuh
ngupingkeun naraka ngaguruh

awak urang dirangsadan,
hanteu boga papakaian,
ngan hayang ideur-ideuran,
neangan anu nulungan,

tidinya tuluy digiring,
sina nyorang cukang ramping,
sekeut alabatan pedang,
lembut alabatan rambut,

dihandap naraka ngagolak,
lega na mang upluk-aplak,
saheab ge awak asak,
seeur anu ting koceak,

kafir jeung fasek ngaromong,
bener nabi teh teu bohong,
geuning ayeuna katembong,
ngan urang anu bedegong,

bareto mah teu percaya,
sugan teh ngan ukur beja,
ayeuna mah teu sulaya,
pahala siksaan teh aya,

aduh indung aduh bapak,
sugan teh kieu rasana,
jadi jalma anu doraka,
kudu asup ka naraka,

elingkeun ieu pitutur,
ka sakabeh dulur dulur,
elingkeun siksaan kubur,
urang teh ulah takabur.