Palang Merah Indonesia

Ti Wikipédia, énsiklopédia bébas basa Sunda
Luncat ka: pituduh, sungsi
Kagiatan PMI

International Red Cross (Palang Merah Internasional) ngadeg ku alpukah J.Henry Dunant (Bapak Palang Merah Internasional) nya éta mangrupa organisasi kamanusaan nu sifatna indepénden jeung diaku nétralitasna ku sakabéh nagara di sakuliah dunya.[1] [2] Organisasi Palang Merah Internasional ngawengku tilu élemén nya éta; Komite Internasional Palang Merah nu mangrupa pendiri sakaligus minangka lembaga législatif (1863), Liga Palang Merah jeung Masarakat anggota Palang Merah(1919). [1]Fungsi Palang Merah nya éta ngahampangkeun kasangsaraan manusa sarta boga tarékah pikeun ngaronjatkeun taraf kaséhatan masarakat, di antarana dina wangun bantuan ka prajurit jeung warga sipil dina perang, di pangungsian sarta méré layanan médis ka masarakat nu ngabutuhkeun, saperti ngungkulan pertolongan pertama dina kacelakaan, ngalayanan nu ngadonor getih, neundeun jeung ngaprosés getih, jeung neruskeun getih ka warga masarakat nu merlukeun. [1]Palang Merah Indonésia (PMI) ngadeg di Jakarta tanggal 17 September 1945. [1] [1] Nalika Jakarta dieréh ku tentara Sekutu jeung Walanda, Pengurus Besar PMI dipindahkeun ka Yogyakarta. [1] PMI diaku sacara reSmi ku pamaréntah Republik Indonésia jeung Palang Merah Internasional dina taun 1950. [1]Kagiatan wal PMI nya éta ngurus balikna para romusa asal Indonesia ka lemburna sewing-séwangan. [1]


Referensi[édit | sunting sumber]

  1. a b c d e f g h Katam Kartodiwirio,Sudarsono.2006.Bandung Kilas Peristiwa di Mata Filatelis Sebuah Wisata Sejarah.Bandung: PT Kiblat Buku Utama. Halaman 334.
  2. PMI diakses tanggal 7 November 2011


Nulis.jpg