Paltot

Ti Wikipédia, énsiklopédia bébas
Luncat ka: pituduh, sungsi
Paltot anu geus disekeutan

Paltot nya éta alat paranti nulis atawa ngagambar anu bisa leungit alatan dihapus ku panghapus.[1] Mimitina paltot dijieun tina grapit tapi ku sabab babari potong jeung kotor jadi dirubah komposisina dicampuran taneuh liat.[1]

Sajarah Paltot[édit | sunting sumber]

Bahan dasar paltot nya éta tina timbal jeung grafit anu méré éfék gorésan warna hauk enggeus dimimitian ti jaman Yunani.[1] Dina taun 1564 di Inggris beulah kulon kapanggih aya kandungan grafit murni sanajan katingalina mah jiga batu bara, grafit henteu bisa dibeuleum, jeung bakal nimbulkeun warna hideung hérang tapi babari dihapusna.[1] Dina masa éta grafit masih disalah hartikeun kitu ogé timah hideung jeung plumbago.[1] Ku sabab éta istilah lead pencil (paltot timah) masih dipaké nepi ka ayeuna.[1] Ku sabab ngandung minyak, baheula grafit dibungkus ku kulit domba atawa potongan leutik timah anu bentuknatongkat dibungkus ku tali.[1] Dina taun 1560-an, paltot kalayan bentukn anu primitip geus aya di benua Éropa.[1] Stuluyna grafit téh diékspor pikeun para seniman, dina abad ka-17 bisa disebut grafit téh geus dipaké dimana-mana.[1] Tukang nyieun paltot ngalakukeun percobaan grafit pikeun nyiptakeun alat tulis anu leuwih hadé.[1] Ku sabab grafit jadi hal anu kagolong miboga ajén anu luhur alatan jadi incaran rampog.[1] Dina taun 1752 Parlemén Inggris ngaluarkeun undang-undang anu netepkeun yén anu ngarampog grafit bisa dipenjara. [1] Dina taun 1789 ngaran grafit anu asalna tina basa Yunanai graphein diresmikeun jadi ngaran grafit sangkan teu pahili jeung timah hideung.[1] Dina nyieun paltot modéren, grafit murni dipaké kalayan dicampur ku taneuh liat. [1]

Kamekaran Paltot[édit | sunting sumber]

Mangtaun-taun grafit Inggris nyongcolang di industri paranti niyeun paltot ku sabab cukup murni pikeun dipaké henteu kudu diprosés deui.[2] Lantaran grafit Éropa kurang alus, pabrik-pabrik paltot terus mekarkeun paltot ku saca ngalusan eusi paltot.[2] Insinyur Prancis Nicolas-Jacques Conté nyampurkeun bubuk grafit jeung taneuh liat, ngabentuk campuran jadi bentuk batang, anu satulutna dibeuleum.[2] Ku cara ngarubah-rubah grafit jeung taneuh liat ngabalukarkeun hasil paltot jadi gradasi warna hideung, prosés ieu anu dipaké nepi ka ayeuna.[2] Dina abad ka-19, nyieun paltot jadi bisnis anu gedé.[2] Kapanggihna grafit di sababaraha tempat, ka asup Siberia, Jérman, dan yang sekarang disebutanu ayeuna disebut Républik Céko.[2] Di Jérman jeung satuluyna di Amérika Serikat, sajumlahing pabrik dibuka.[2] Mimiti abad ka-20, barudak sakola geus maraké paltot.

Cara Milih Paltot[édit | sunting sumber]

  1. Ulah meuli paltot anu eusina déngdék ku sabab babari potong nalika dipaké, tapi pilih paltot anu Leads persisina di tengah.[3]
  2. Ulah meuli paltot anu eusina morosot ka luar tina paltotna ku sabab bakal babari patong.[3] Tapi pilih paltot anu eusina gedé, eusi paltot anu gedé tara babari potong. [3]

catetan[édit | sunting sumber]

  1. a b c d e f g h i j k l m n Sejarah Pensil (Dicutat tanggal 5 November 201)
  2. a b c d e f g Perkembangan Pensil(Dicutat tanggal 18 November 2011)
  3. a b c Bagaimana memilih pensil yang baik untuk ujian? (Dicutat tanggal 18 November 2011)