Pandan

Ti Wikipédia, énsiklopédia bébas basa Sunda
Luncat ka: pituduh, sungsi
Pandan (Pandanus)
Pandanus utilis dengan buahnya.
Klasifikasi ilmiah
Kingdom: Plantae
Division: Magnoliophyta
Class: Liliopsida
Order: Pandanales
Family: Pandanaceae
Genus: Pandanus
Parkinson

Pandan nya éta rupa tangkal monokotil tina genus Pandanus.[1] Tangkalna jangkung aya nu nepi ka 11 m.[1] Watangna lempeng, buleud, régangna monopodial.[1] Daunna nunggal, lansét, sisina régé-régé, tungtungna seukeut, tulangna sajajar, panjangna 75 nepi ka 90 senti, lebarna 3-5 senti, warnana héjo.[1] Pandan nya éta jenis tutuwuhan anu geus lila dimangpaatkeun ku masarakat Indonesia pikeun rupa-rupa kaperluan, ti mimiti pikeun bungbu dapur, bahan ubar, nepi ka kaperluan acara agama.[2]
Jenis pandan anu mindeng dipaké pikeun bahan baku nyieun samak nya éta Pandanus tectorius, P. odoratissimus, P. dubius sarta P.furcatus.[2] Cacak sapanjang sisi daunna cucukan, tapi jenis ieu mah liat sarta teu babari pites alatan serat trakeidna panjang.[2] Pandan seungit (P.amaryllifolius) mangrupa hiji-hijina pandan anu miboga daun anu seungit sarta miboga hasiat pikeun dijadikeun ubar.[2] Pandanin nya éta senyawa anu diékstrak tina pandan seungit ieu miboga hasiat minangka antivirus ka virus anu narajang manusa, contona virus herpés sarta virus influenza.[2] Aya sawatara jenis pandan anu geus dipaké minangka pepelakan hiasan alatan miboga wangun unik atawa ahéng, diantarana P. dubius, P.tectorius cv sanderi, P. spurius cv putat, sarta P. utilis.[2]

Referensi[édit | sunting sumber]

  1. a b c d Pandan (id) (Diakses ping 31 Oktober 2011)
  2. a b c d e f Pandan (id) (Diakses ping 31 Oktober 2011)