Paris Hilton

Ti Wikipédia Sunda, énsiklopédi bébas


Paris Hilton, 2021

Paris Whitney Hilton dibabarkeun ping 17 Februari 1981, anu sepuhna Richard Hilton jeung Kathy Richards[1]. Paris téh budak pangkolotna ti opat sadudulur, Nicky Hilton, Barron Nicholas Hilton jeung Conrad Hughes Hilton[1][2].Manéhna mangrupa pewaris ti kakayaan Hotél Hilton jeung réal estate bapana[1].Paris lahir di New York City, Hilton pindah ka sababaraha imah nalika manéhna keur leutik kaasup Manhattan, Beverly Hills jeung Hamptons[1]. Manéhna asup ka sakola luhur boh di California boh di New York,tapi kaluar anu tungtungna meunangkeun gelar GED[1]. Hilton mimiti jadi modél salaku budak leutik, mimiti aya dina rupa-rupa kampanyeu iklan, kaasup Iceberg Vodka, Guess, Tommy Hilfiger, Christian Dior jeung Marciano[1]. Nalika yuswana 19, manéhna geus mekarkeun réputasina salaku tokoh masarakat jeung sering disebut " New York It Girl"[1].

Nalika taun 2003,ngan saminggu saméméh aya réality show The Simple Life anu munggaran, vidéo meunang sorangan anu aya seks Paris sorangan jeung kabogohna baheula Rick Salomon[1]. Hilton ngagugat Salomon ku ayana rékaman éta, tapi tungtungna éta masalah diréngsékeun di luar pengadilan[1]. Paris Hilton meunang jujuluk salaku Ratu Pesta Dunia, ku sabab Paris sering katingali miceunan duitna demi pésta anu méh unggal peuting dilakonan[2]. Paris Hilton dipikawanoh sering gonta-ganti kabogoh, di antarana aya sababaraha lalaki anu pernah jadi kabogoh Hilton nyaéta Stavros Niarchos, Paris Latsis, Nick Carter, Jason Shaw, Leonardo Dicaprio jeung Rick Salomon[2]. Lian ti éta aya ogé préstasina di dunya akting, manéhna dipikawanoh salaku béntang dina réality show The Simple Life 2003 bareng jeung Nicole Richie[2].

Referensi[édit | édit sumber]

  1. a b c d e f g h i Paris Hilon - Biografi yang Mencengangkan Archived 2011-12-13 di Wayback Machine(diakses 2 Desember 2011)
  2. a b c d Paris Hilton(diakses 2 Desember 2011)