Pertempuran Bojong Kokosan

Ti Wikipédia, énsiklopédia bébas
Luncat ka: pituduh, sungsi

Pertempuran Bojong Kokosan nujul ka kajadian diserebuna kompoy tentara Inggris (AFNEI) nu rék nguatan pasukanana di Bandung ku para pajoang Indonésia di Bojong Kokosan, Sukabumi.

Penyergapan[édit | sunting sumber]

Sanggeus nampa béja rék datangna saratusan tentara Inggris ti Jakarta, para pajoang ngarencanakeun nyegat éta rombongan di jalan anu diapit gawir di Bojong Kokosan. Nalika jam 3 soré tutumpakan pangawal kompoy tiporos kana lombang nu geus disiapkeun, para pajoang langsung ngagempur tentara Inggris nepi ka kira jam 5 soré. Sanggeus bisa ngalolos, pilemburan sabudeureun Bojong Kokosan dibombardir ku pasukan udara Karajaan Inggris (Royal Air Force).

Jumlah korban[édit | sunting sumber]

Penyergapan tentara nu dikawal sababaraha téng jenis Stuart ieu ngabalukarkeun palastrana 50-an tentara Inggris, natuan saratusan lianna, sedengkeun 30-an deui leungit. Lobana korban ti pihak Inggris dina béntrokan ieu ramé diaduregengkeun di Parlemén Inggris sarta ngondang perhatian dunia internasional.

Poé Joang Siliwangi[édit | sunting sumber]

Ti taun 2004, pertempuran nu lumangsung ping 9 Désémber 1945 ieu dipiéling salaku Poé Joang Siliwangi. Poé éta téh pas sabulan sanggeus wates anu dibéré ku Sekutu ka tentara Indonésia sangkan ngudar sakabéh pakarangna (10 Nopémber).

Rujukan[édit | sunting sumber]


Nulis.jpg