Peuyeum

Ti Wikipédia, énsiklopédia bébas
Luncat ka: pituduh, sungsi
Peuyeum

Peuyeum mangrupa kadaharan tradisional Indonesia, rasana amis lantaran mangrupa hasil fermentasi.[1] Peuyeum dijieun tina bahan baku nu tangtu anu di fermentasi alatan bantuan mikroorganisme Saccharomyces cerivisiae anu ngarobah karbohidrat (fruktosa sarta glukosa) jadi alkohol sarta karbondioksida.[1] Iwal ti Saccharomyces cerivisiae aya mikroorganisme séjén saperti Mucorchlamidosporus sarta Endomycopsisfibuligeraanu mantuan ngarobah pati jadi gula (glukosa).[1] Bahan peuyeum rupa-rupa gumantung kana kabutuhan, bisa maké béas ketan atawa sampeu.[1] Peuyeum nu jieun tina béas ketan disebutna peuyeum ketan sedengkeun anu dijieun tina sampeu disebutna peuyeum sampeu.[1]

Peuyeum Ketan[édit | sunting sumber]

Peuyeum ketan nya éta peuyeum anu dijieun tina ketan hideung atawa ketan bodas meunang nyeupan, maké dicampur ragi, dibunian 2-3 poé.[1]

  • Cara pikeun nyieun peuyeum ketan :

Béas ketan dikeueum salila 4 jam, tuluy daun kayu manis diasupkeun bari nambahan cai, terus disaring.[2] Saterusna béas ketan anu geus dikeueum, diseupan nepi ka satengah asak, tuluy diangkat, tuluy dina béas ketan anu geus satengah asak ditambahkeun cai kayu manis pikeun pewarna héjo tuluy campuran éta digalok ambéh warnana rata.[2] Campuran éta diseupan nepi ka asak kira-kira salila 30 menit,sanggeus asak campuran dijait, tuluy ditiiskeun di luhur nyiru, saterusna dibéré ragi anu geus lembut leuwih tiheula, digalok nepi ka rata.[2] Pamungkas campuran dibungkus maké plastik atawa daun cau singrapet (biasana dina bungkusan ditambahkeun bawang beureum sarta cabé pikeun peuyeumna bisa jadi atawa henteu garah), tuluy ditunda salila 2-3 poé (difermentasi).[2]

Peuyeum Sampeu[édit | sunting sumber]

peuyeum ketan

Peuyeum sampeu teu béda jauh jeung peuyeum ketan ngan béda bahan bakuna wungkul nya éta sampeu.

  • Cara pikeun nyieun peuyeum sampeu :

Seupan sampeu nepi ka asak (Ulah asak teuing alatan engké hasilna jadi benyek), tuluy sanggeus tiis tendeun sampeu dina wadah bari ditutup anu geus diamparan daun cau sabada éta purulukan peuyeum ku ragi nepi ka rata.[2] Tutupan deui ku daun cau tuluy tutup maké tutup wadahnya.[2] Simpen di tempat haneut salila 2-3 poé.[2]

Rujukan[édit | sunting sumber]

  1. a b c d e f (id)Rachmat Taufiq Hidayat, spk. Peperenian Urang Sunda. PT Kiblat Buku Utama. Bandung 2005.
  2. a b c d e f g (id)[cara membuat tape ketan].


Nulis.jpg