Ponggang, Sagalahérang, Subang

Ti Wikipédia, énsiklopédia bébas
Luncat ka: pituduh, sungsi
Désa  Ponggang

Peta lokasi Ponggang
Propinsi Jawa Barat
Kabupatén Subang
Kacamatan Sagalahérang
Nami Kuwu
Lega
Jumlah pangeusi
 - Kapadetan

Ponggang nyaéta salasahiji désa di kacamatan Sagalahérang, Kabupatén Subang, Propinsi Jawa Barat, Indonésia.

Sajarah[édit | sunting sumber]

Saur para sepuh anu sapalih parantos tilar, Ponggang teh asalna tina kecap molongpong araranggang anu hartosna pikeun ngagambarkeun hiji daerah anu jumlah bumi atanapi suhunan imahna masih patarebih atanapi carang. Nanging kiwari Ponggang teh parantos padet ku penduduk sareng parantos jlug jleg pilemburan, ti antawisna aya Cibeureum I anu katelah pasir kaler, Cibeurem II sareng Cibeureum III anu katelah Pasir kidul, Babakan Jati, Cilutung, Ponggang, Tegal Pangparang, Cigadog, Cinangka, Cibitung, Serang Panjang sareng Gardu. Di salah sawios wewengkon Ponggang, nyaeta di Cibeureum aya hiji ciri anu jadi ciri lembur, nyaeta hiji tangkal caringin anu gede anu katelahna Singapuel. Eta caringin teh ayana di daerah anu luhur, upami disawang ti wewengkon Purwakarta, Burangrang atanapi Kalijati katingal jelas. Kumargi abdi salah sawios warga anu tumetep di Ponggang, anu tepat namah di Cibeureum III, janten sajarah atanapi asal muasl wewengkon anu rada jelasmah mung Cibeureum wungkul. Saur sesepuh kapungkur (kiwari tos Tilar), daerah Cibeureum teh asalna tina hiji kajadian kapungkur, nyaeta aya jalmi anu ditandasa di walungan Cilamaya (anu ngalangkungan ka Cibeureum), getihna nepika ngabeureumkeun eta walungan, nya ti wangkit harita disebat eta daerah teh Cai Beureum (Cibeureum) nepi ka ayeuna.

Profil Pamaréntahan[édit | sunting sumber]

Ponggang teh kantos nanjeur nalika diluluguan ku hiji lurah anu tegas, nyaeta ku Bp. Hanafi. nanging kiwari anjeuna parantos ngantunkeun, parantos mulih ka Jati mulang ka asal dina taun 2008

Profil Daérah[édit | sunting sumber]

Wates Wilayah[édit | sunting sumber]

Ponggang teh kalebet pamarentahan Kabupaten Subang. Ari wates ti palih kaler watesna sareng Bangala (Kalijati), Cigebang sareng Talaga sari. Ti palih kidul watesna sareng Desa Cipancar, Cireundeu oge Garokgek (Purwakarta). Ti wetan watesna sareng Cijengkol sareng Talun. Ari ti palih kulon watesna sareng Ciracas. Ponggang mangrupikeun daerah perbatesan antara Kabupaten Subang sareng Purwakarta, anu di dinyana ngalir hiji walungan nyaeta walungan Cilamaya anu mangrupikeun terusan ti Curug Cijalu (Cipancar).

Géografis[édit | sunting sumber]

Démografi[édit | sunting sumber]

Atikan[édit | sunting sumber]

Poténsi[édit | sunting sumber]

Pertanian[édit | sunting sumber]

Pertanian di Desa Ponggang umumna nyaeta pasawahan, anu hasilna mangrupi pare (beas). Pasawahan anu aya di Ponggang umumna henteu ngampar rata, tapi undak-undakan, kumargi geografisna kagolong pagunungan. Nanging di sababaraha wewengkon aya oge sawah tadah hujan anu hartosna mung sataun sakali digarapna, nyaeta pami mendak waktos ngijih (usum hujan), pami hujanna rada jarang (dadangrat) sok dipelakan ku cabe, tomat, boled (hui) atanapi suuk (kacang taneuh), nyaeta daerah Cigadog sareng Cinangka.

Pakebonan[édit | sunting sumber]

Cengkéh, kopi, sawit, manggu, entéh (téh) sareng bubuahan anu sanesna mangrupikeun hasil tatanen pakebonan anu aya di Ponggang. Ampir tiap kulawargi anu aya di Ponggang ngagaduhan kebon cengkeh, boh kebon husus atanapi papaes di payuneun pakarangan bumi masing-masing. Dupi kebon sawit mah diolahna ku Perkebuan Nusantara VIII, anu ayana di sabudeureun Cibeureum, Tegal Pangparang, Cibitung sareng Serang Panjang.

Tumbu Luar[édit | sunting sumber]



Gnome-home.svg