Réaksi organik

Ti Wikipédia, énsiklopédia bébas
Luncat ka: pituduh, sungsi

Réaksi organik hartina réaksi kimia sanyawa organik, bentuk dasarna, di antarana réaksi adisi, réaksi éliminasi, réaksi substitusi, réaksi périsiklik, réaksi tata ulang, jeung réaksi rédoks. Dina sintésis organik, réaksi organik dipaké pikeun nyieun molekul organik anyar. Réaksi organik pangkunana nyaéta dina rupa durukan suluh organik jeung panyabunan lemak nalika nyieun sabun. Kimia organik modéren dimimitian ku sintésis Wöhler taun 1828.

Dina sajarah Hadiah Nobel widang Kimia, nu kungsi dileler téh di antarana papanggihan réaksi organik husus kayaning réaksi Grignard taun 1912, réaksi Diels-Alder taun 1950, réaksi Wittig taun 1979, jeung métatésis oléfin taun 2005.

Kimia organik boga kabiasaan anu kuat pikeun méré ngaran ka hiji réaksi dumasar nu manggihanana, misalna tata ulang Claisen (1912) jeung réaksi Bingel (1993). Mun ngaranna hésé kusabab panjang teuing (misalna réaksi Corey-House-Posner-Whitesides), mangka sok diringkes maké réduksi CBS. Jumlah réaksi nu nyebutkeun sacara langsung prosés aktualna mah teu loba, misalna baé réaksi éna atawa réaksi aldol.

Réaksi organik bisa ogé ditilik tina tipeu réagen organikna, nu lolobana anorganik, nu dipikabutuh dina transformasi anu husus. Tipeu-tipeu anu utama di antarana agén pangoksidasi (misalna osmium tétroksida), agén pangréduksi (misalna litium aluminium hidrida), basa (misalna litium diisopropilamida), jeung asam (misalna asam sulpat).

Réaksi organi dumasar gugus fungsi[édit | sunting sumber]

Réaksi organik bisa digolongkeun dumasar tipeu gugus fungsi nu aub dina réaksi salaku réaktan atawa salaku hasilna. Pikeun conto, dina tata ulang Fries, réaktanna téh éster, sedengkeun hasilna mangrupa alkohol.

Ringkesan gugus fungsi katut préparasi jeung réaktivitasna ditémbongkeun di handap ieu:

Klasifikasi réaksi organik lianna[édit | sunting sumber]

Réaksi organik bisa ogé digolongkeun dumasar tipeu beungkeut ka karbon patali jeung unsur anu aubna, misalna dina kimia organosilikon, kimia organosulfur, kimia organopospor, jeung kimia organofluorin.

Dina kimia hétérosiklik, réaksi organik digolongkeun dumasar tipeu hétérosikel nu dihasilkeun.

Baca ogé[édit | sunting sumber]

Tumbu kaluar[édit | sunting sumber]

Jejer dina kimia organik

Aromatisitas | Beungkeut kovalén | Gugus fungsi | Publikasi | Réaksi organik | Sanyawa organik | Sintésis organik | Spéktroskopi | Stéréokimia | Tata ngaran

Daptar sanyawa organik
Nulis.jpg