Réspirasi sélulér

Ti Wikipédia, énsiklopédia bébas basa Sunda
Luncat ka: pituduh, sungsi

Réspirasi sélulér medarkeun réaksi-réaksi jeung prosés métabolismeu nu lumangsung di jero sél pikeun ngahasilkeun énérgi biokimiawi tina molekul-molekul suluh sarta ngaleupaskeun produk runtahna. Réaksi anu aub dina réspirasi nyaéta réaksi katabolik dina métabolismeu.

Molekul suluh nu biasa dipaké dina réspirasi sél di antarana glukosa, asam amino, jeung asam lemak, sedengkeun agén pangoksidasina (panadah éléktron) nyaéta molekul oksigén (O2). Tapi, aya ogé organismeu anu bisa ngajalankeun réspirasi migunakeun molekul organik salaku panadah éléktron lian ti oksigén. Organismeu anu migunakeun oksigén salaku panadah éléktron dina réspirasi disebutna aérob, sedengkeun nu teu kitu disebut anaérob.

Énérgi anu dileupaskeun dina réspirasi dipaké pikeun nyintésis molekul anu nampung ieu énérgi. Salah sahijina nyaéta adénosin trifosfat (ATP) nu énérgi kimia simpenanana bisa dipaké pikeun rupa-rupa prosés nu merlukeun énérgi, kayaning biosintésis jeung lokomosi atawa transportasi molekul meuntas mémbran sél. Kusabab aya di mana-mana, ATP katelah salaku "panukeur énérgi universal", jumlahna dina hiji sél nunjukkeun ayana énérgi anu bisa dipaké pikeun prosés anu merlukeun énérgi.

Rujukan[édit | sunting sumber]

Tumbu kaluar[édit | sunting sumber]


Nulis.jpg