Rendang
Rendang nyaéta daging anu digulé maké santen nepi ka angeunna garing, anu ancik sakur keureutan daging sarta samarana.[1] Sanggeus aya nu nalungtik rendang mangrupa kadaharan pinunjul di tataran kabéh nagara.[2] Ti opat puluh kadaharan nu aya, rendang jadi nomer hiji di antara nu sejénna.[2] Daging sapi ieu dikulub sacara lalaunan nu ditambahan santen jeung deui campuran séréh, laja, bawang bodas, konéng, jahé sarta cabé, saterusna dikulub sababaraha jam pikeun nyieun kadaharan ieu ngeunah, kaambeu bau daging sapina.[2]
Kadaharan Has Minang[édit | édit sumber]
Minangka hiji kadaharan has, rendang junun kaluar ti rohang budayana sarta ngahontal kasohoranana tanpa dikatrol ku pihak anu ngawasa di unggal-unggal jaman.[3] Komo, kecap ‘rendang’ geus kasebut dina loba kesusteraan Malayu klasik, salah sahijina dina Hikayat Amir Hamzah.[3] Ieu ngabuktikeun yén rendang geus jadi kulinér nu dipikaresep kaom Malayu taun 1550-an.[3] Kiwari, rendang teu ngan jadi pilihan pikeun kadaharan di réstoran Padang anu anu sumebar di pelosok nagari.[3] Manéhna mindeng jadi bekel favorit waktu indit-inditan laér alatan sipatna anu tahan lila.[3] Bayangkeun waé, rendang anu dimasak kalayan pas baris sanggup tahan nepi ka dua bulan kalayan aroma sarta citarasa anu kajaga. Dina kamekaranana, rendang dipikawanoh dina rupa-rupa jenis.[3] Aya rendang darék,[3] rendang bukik,[3] sarta rendang payakumbuh.[3] Béda di antara jenis-jenis kasebut saukur perenahna dina wewengkon mana rendang éta dijieun.[3] Unggal-unggal wewengkon mibanda saeutik variasi cara pangolahan sarta ogé panampilan.[3] Tapi, ti sisi rasa, bédana bisa kasebut.[3] Sebut waé rendang darék anu ngawujud dina kelir anu leuwih hideung.[3] Cenah, rendang darék ieu anu leuwih dipikawanoh minangka rendang asli Minang.[3] Darék (atawa ‘darat’ dina basa Minang) mangrupa sebutan wewengkon di Minangkabau.[3] Wewengkonna ngawengku sawatara kabupatén atawa dayeuh anu aya di barisan suku pasir, kawas Agam, Taneuh Datar, Limapuluh Dayeuh, sarta wewengkon sakurilingna.[3] Di Minangkabau, darék ogé biasa disebut Luhak Nan Tigo (luhak anu tilu).[3]
Rujukan[édit | édit sumber]
- ↑ (id) Wangenan Rendang Archived 2016-03-12 di Wayback Machine (Dicutat tanggal 28 Oktober 2011)
- ↑ a b c (en)Rendang kadaharan pinunjul ti opat puluh kadaharn di dunya Archived 2011-10-29 di Wayback Machine
- ↑ a b c d e f g h i j k l m n o p q (id) Kadaharan Has Minang Archived 2011-10-28 di Wayback Machine(Dicutat tanggal 28 Oktober 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |