Salahuddin Al-Ayyubi

Ti Wikipédia, énsiklopédia bébas
Luncat ka: pituduh, sungsi
Lukisan Salahuddin Al-Ayyubi

Salahuddin Al-Ayyubi (Saladin dina basa Inggris, basa arab= صلاه الدين يوسف ابن ايوب) anu miboga ngaran lengkep Sholahuddin Yusuf bin Ayyub nya éta salah sahiji pahlawan dina sajarah Islam, Salahuddin kasohor salaku jéndral nalika perang salib lumangsung, utamana perang salib II jeung perang salib III[1][2]. Salahuddin lahir taun 1137M ti suku Kurdish di Tikrit (ayeuna Irak, 140 KM barat laut kota Baghdad)[1][2]. Mangsa budakna salila 10 taun dibéakkeun pikeun diajar di lingkungan anggota dinasti Zangid nu nyepeng kakawasaan di Syria, Salahuddin diajar ka Nur Ad-Din atawa Nuruddin Zangi[2][1]. Salahuddin nya éta tokoh anu nyiptakeun hiji konsép budaya anu ayeuna biasa disebut muludan[1].

Salahuddin diajar ngeunaan élmu militer ti Asaddin Shirkuh, panglima perang Turki Seljuk[1][2]. Salahuddin dinobatkeun jadi raja di Mesir, tapi ieu penobatan téh nyésakeun sengkéta[1]. Anakna Nuruddin, Shalih Ismail merangan Salahuddin alatan naékna Salahuddin jadi raja, Shalih Ismail maot taun 1181[1]. Salahuddin bisa ngéléhkeun serangan ti pasukan salib Eropa, kacutat, Slahuddin ngan mundur sakali salila perang[2]. Salahuddin mundur nalika perang Montgisard, nya éta perang ngalawan karajaan Yarusalem[1][2].

Salahuddin nyerang karajaan Yarusalem dina taun 1187 dina perang anu disebut perang Hittin[1][2]. Salahuddin nyerang alatan Raynald de Chattilon jeung Guy de Lusignan salaku nu boga kawasa di Yarusalem harita wani nyerang jemaah haji jeung jalur perdagangan Mekkah ka Madinah[1][2]. Salahuddin meunang dina ieu perang, tuluy Raynald diéksékusi hukuman mati, sedengkeun Guy de Lusignan ditewak salaku tahanan perang[2][1].

Référénsi[édit | sunting sumber]

  1. a b c d e f g h i j k Sholahuddin Al Ayyubi (diaksés tanggal 1 Désémber 2011)
  2. a b c d e f g h i Biografi Salahuddin Al-Ayyubi (diaksés tanggal 1 Désémber 2011)
Nulis.jpg