Sanggama

Ti Wikipédia, énsiklopédia bébas basa Sunda
Luncat ka: pituduh, sungsi
Sapasang singa di Maasai Mara, Kenya, keur jalangan. Dina mangsa "bulan madu", sapasang singa bisa jalangan nepi ka 40 kali sapoé

Sanggama atawa bahasa Sunda Kasarna Ewean nya éta peta ngasupkeun sirit jalu nu celegeng kana heunceut bikang kalawan tujuan baranahan jeung kasenangan.

Istilah "sanggama", rarasmi, atawa sapatemon dipaké nujul ka manusa, sedengkeun pikeun vértebrata luhur (kawas singa na gambar di katuhu) disebut "jalangan" (kopulasi). Sato séjén, kayaning réptil jeung manuk, réproduksina di jero/internal, najan ngabuahanana mah na kloaka. Nu séjénna deui, misalna kalolobaan amfibi, ngabuahan di luar/éksternal.

Biologi konsépsi[édit | sunting sumber]

Sanggama mangrupakeun métode baranahan dasar pikeun Homo sapiens jeung sakabéh mamalia. Nalika bucat, nu biasana dibarengan ku orgasmeu lalaki, saruntuyan kontraksi otot nganteurkeun mani nu ngandung gamét jalu nu disebut sél spérma atawa spérmatozoa kana heunceut, nu terus ngaliwatan sérviks ka rahim, terus ka solobong fallopi. Sél spérma bisa hirup nepi ka salapan poé na awak awéwé. Mun ovum subur aya na solobong fallopi, gamét jalu ngahiji jeung ovum ngahasilkeun fértilisasi jeung dibentukna émbrio anyar. Nalika ovum nu geus dibuahan nepi ka uterus, lajeng bakal dipelak na lapisan nu disebut éndométrium sahingga mimiti kakandungan.

Sanggama salawasna dianggap bakal ngahasilkeun kakandungan, iwal maké kontraséptif. Najan kitu, sanggama tetep baé bisa ngahasilkeun kakandungan, sabab kontrasépsi teu bisa ngajamin 100% jétu. Coitus interruptus atawa 'azl (basa Arab), nyaéta ngaluarkeun sirit tina heunceut pas saméméh lalaki bucat, lain cara kontrasépsi nu jétu. Puasa sanggama mangrupakeun hiji-hijina cara nu bisa ngajamin 100% nyegah kakandungan. Outercourse, kagiatan séksual tanpa ngasupkeun sirit kana heunceut, bisa ogé pikeun nyegah kakandungan, asal manina teu keuna kana palawangan.