Saroja

Ti Wikipédia, énsiklopédia bébas
Luncat ka: pituduh, sungsi
Saroja
Nelumbo nucifera
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Proteales
Family: Nelumbonaceae
Genus: Nelumbo
Species: N. nucifera
Ngaran binomial
Nelumbo nucifera
Gaertn.

Saroja (Nelumbo nucifera Gaertn.) nyaéta spesies tutuwuhan cai ti genus Nelumbo (taraté) anu asalna ti India. Di Indonésia, tutuwuhan ieu ogé mindeng disebut taraté anu sabenerna mangrupakeun genus Nymphaea. Saroja kungsi dipikawanoh kalawan ngaran binomial Nelumbium speciosum (Willd.) atawa Nymphaea nelumbo.

Gagangna ngawangun silinder anu kosong di tengahna pikeun jalan ngaliwat hawa. Daunna aya dina beungeut cai, kaluar tina gagang anu asalna tina akar anu aya dina jero leutak atawa dadampar balong, walungan atawa ranca. Luhur ieu tutuwuhan kira-kira hiji méter nepi ka hiji satengah méter.

Daunna tumuwuh ka luhur, luhureun beungeutcai. Daun ngawangun bunderan tanpa potongan, rérégéan di bagian sisi, kalawan urat daun nu ngariung ka tengah daun. Garis tengah daun bisa ngahontal 60 cm. Beungeut daun ngandung lapisan lilin sahingga cai anu murag kana beungeut daun ngabentuk buleudan cai.

Kembangna boga garis tengah nepi ka 20 cm, boga warna bodas beresih, konéng atawa kayas, kaluar tina gagang anu kuat nyongcolang di luhureun beungeut cai. Kembang mekar dina bulan Juli nepi ka Agustus.

Aya sawatara rupa kultivar pikeun saroja jeung wangun sarta warna kembang anu rupa-rupa. Taraté (genus Nelumbo) mangrupakeun lambang nagara India.

Mangpaat[édit | sunting sumber]

Gambar:Lotus 3 by dlee.jpg
Bongkol kembang saroja anu barolong

Kembang saroja éndah ditempo sahingga réa dipaké minangka panghias balong di taman-taman. Akarna ngeunah didahar sarta réa dipaké dina asakan Jepang, asakan Tionghoa, sarta asakan India. Akar anu didahar atah bisa jadi sumber népana parasit Trematoda.

Sikina beunghar ku tipung sahingga bisa didahar atawa dikokolakeun jadi bahan kadaharan. Siki anu dikulub, dilemeskeun sarta dicampur gula jadi eusi kuéh bulan anu didahar dina Festival Pertengahan Musim Gugur (Mooncake festival). Di Tiongkok, siki anu masih ngora diinum minangka gaganti entéh. Bongkol anu barolong kawas kandang nyiruan dijual dina bentuk garing minangka palengkep dina seni ngararangkén kembang garing.

Daunna rubak sahingga mindeng dipaké minangka pamungkus, utamana pamungkus lauk di pasar tradisional saméméh pamakéan kantong palastik jadi populer.

Téknik melak[édit | sunting sumber]

Seroja (Nelumbo nucifera)

Pepelakan bisa tmuwuh tina siki anu geus kolot atawa akar. Saroja bisa dipelak dina pot nu eusina taneuh leutak anu caian.

Sajarah[édit | sunting sumber]

Di jaman Mesir kuno, seroja kapanggih tumuwuh babarengan jeung taraté spésiés Nymphaea caerulea di sisi walungan Nil. Bangsa Mesir jaman Firaun pohara ngamuliakeun tangkal saroja, ku kituna kembang, buah, sarta daunna dijadikeun motif dina arsitektur candi. Ti Mesir, saroja dibawa ka Assiria sarta sumebar ka Pérsia, India, sarta Tiongkok. Dina taun 1787, Sir Joseph Banks mawa saroja ka Éropa Kulon pikeun dipelak dina jero imah kaca di kebon raya

Tempo ogé[édit | sunting sumber]

Rujukan[édit | sunting sumber]

Tumbu ka luar[édit | sunting sumber]