Saté

Ti Wikipédia, énsiklopédia bébas
Luncat ka: pituduh, sungsi
Saté embé jeung saté hayam

Saté nya éta daging anu dikeureutan sagedé-gedé indung leungeun sarta dicolok ku sujén, diasakanana dipanggang luhureun ruhak.[1] Ilaharna saté maké daging saperti Saté embé, Saté kelenci, Saté domba, Saté sapi. [1]

Rupa-Rupa Saté[édit | sunting sumber]

  1. Saté hayam nya éta kadaharan khas Indonésia.[2] Saté hayam dijieun tina daging hayam.[2] Umumna dimasak ku cara di beuleum ku areng, maké bumbu kacang atawa bumbu kécap.[2]
  2. Saté lilit, nya éta saté bahan dasarna udang, ieu kadaharan téh khas Bali.[3]
  3. Saté maranggi, nya éta saté tina daging sapi. [4] Saté maranggi ngandung saeutik kolesterolna. [5]
  4. Saté gembrung atawa saté jeprét, nya éta saté tina kulit sapi anu dibeulahan tuluy dikulub, sanggeus kitu di tojoskeun kana nyéré.[6] Ieu kadaharan téh khas Ciamis.[6] Ieu saté katelah ku sebutan colok gembrung, disebut kitu sotéh ku lantaran bahan dasarna tina kulit sapi jadi jiga kulit bedug (gembrung) anu dicolokan jiga saté. [6]
  5. Sate torpedo, nya éta saté anu dijieun tina kanjut embé.[2] Saté ieu dipercaya bisa ningkatkeun séksual lalaki.[2]
  6. Saté penyu, nya éta saté tina daging penyu.[2] Saté ieu lolobaba di Bali. [2]Saté penyu loba ngandung kolesterol. Ieu kadaharan téh geus rada langka ku sabab sato penyu ayeuna meh punah jadi salah sahiji sato anu dilindungi ku pamaréntah.[2]
  7. Saté laleur, bahasa Madura mah di sebut saté lalér, ieu saté téh lain tina daging laleur tapi tina daging embé atawa hayam anu diteukteukan laleutik saperti laleur. [2] Saté ieu aslna ti Pamekasan Madura. [2] Cara ngabeuleumna teu pati lila saperti saté-saté nu laina, bumbuna sarua ilaharna saté nu lain.[2]
  8. Saté kalong nya éta kadaharan khas Cirebon. [2]Saté ieu dijieun tina daging munding anu dilemeskeun ku cara di tutu. Rasana amis, hampir sarua jeung dendeng.[2] Disebut Saté Kalong ku lantaran nu dagangna nalika soré nepi ka subuh. [2]
  9. Saté kerang nya éta kadaharan khas Surabaya.[2] Saté kerang dijieuna tina daging kerang. [2] Saté ieu béde jeung saté nu umumna di beuleum ieu saté kerang mah di kulub.[2]
  10. Saté buntel, nya éta sajenis saté anu dijieuna tina daging embé anu dicincang anu dibungkus ku lemak embé tuluy dibeuleum.[2] Bumbuna nya éta pedes jeung kécap amis.[2] Ieu kadaharan téh khas Surakarta.[2]

catetan[édit | sunting sumber]

  1. a b Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g h i j k l m n o p q r s t Asal muasal Sate (Dicutat tanggal 21 Oktober 2011)
  3. Sate Lilit Bali (Dicutat tanggal 21 Oktober 2011)
  4. Sate Maranggi (Dicutat tanggal 21 Oktober 2011)
  5. Sate Maranggi Sambal Oncom (Dicutat tanggal 21 Oktober 2011)
  6. a b c Gebrung (Dicutat tanggal 21 Oktober 2011)