Secondhand Serenade

Ti Wikipédia, énsiklopédia bébas
Luncat ka: pituduh, sungsi
Gambar:Secondhand Serenade Bandung.jpg
Secondhand Serenade nalika konsér di Bandung 8 Januari 2011

Secondhand Serenade nya éta salasahiji band rock akustik nu dipingpin ku vokalis jeung gitaris John Vesely.[1] Vesely geus ngarilis tilu album studio nepi ka ayeuna tug dingaranan Secondhand Serenade: Awake dina taun 2007, A Twist on My Story taun 2008 jeung Hear Me Now taun 2010.[1] Album munggaranana ngagunakeun rékaman multitrack keur nyieun téhnologi sora, sedengkeun album nu kaduana nyokot jalan nu béda, kalawan ngagunakeun hiji band nu hadé tur synthesizer sangkan bisa ngawangun sora nu sampurna.[1]

Sajarah munggaran[édit | sunting sumber]

John Vesely nyieun Secondhand Serenade di dayeuh tempat manéhna dumuk, Menlo Park di California, Amerika Serikat dina taun 2004.[2] Dina kamekaranana, rekaman munggaran serenade ngan saukur diwangun ku gitar akustik jeung solo vocal. [2]
Vesely digedekeun di San Fransisco Bay Area di kulawarga nu resep kana musik.[2] Manéhna anak ti hiji musisi jazz professional.[2] Alatan kitu, manéhna geus teu ngarasa ahéng ka nu ngaranna musik. [2] Ampir 8 taun maén bass di band-band lokal tur mintonkeun sajumlahing gaya kayaning gaya ska jeung hardcore pikeun rock jeung pop.[2] Sanggeus mangtaun-taun maén bass, Vesely milih maén gitar akustik milu ka Ondrasik’s Five for Fighting. [2]
Vesely mimiti nulis lagu sorangan nalika panggih jeung garwana Candice Vesely.[2] Ngaran Secondhand Serenade sorangan mangrupa salasahiji otobiografi. Numutkeun John Vesley, mimitina mah sabagéan gedé lagunatéh dinyanyikeun ku garwana minangka serenades.
Awake, album solo munggaranana medal dina taun 2005.[2] Taun 2006 Secondhand Serenade jadi artis kahiji independen di My Space.[2] Lagu-laguna dimaénkeun mangjuta-juta kali ngaliwatan situs.[2] Tuluy Secondhand Serenade nandatangan kontrak jeung Glassnote Records, label anyar nu didistribusikeun ku Warner Brothers. [2]
[2] Vesely pipisahan jeung garwana dina taun 2008.[2] Tina pipisahan éta méré idé ka manéhna nepi ka ngaluarkeun album A Twist in My Story.[2]


Referensi[édit | sunting sumber]

  1. a b c Secondhand Serenade (Diakses tanggal 3 November 2011) (en)
  2. a b c d e f g h i j k l m n o What is Secondhand Serenade? (Diakses tanggal 3 November 2011) (en)


Nuvola apps juk.png