Selat Sunda

Ti Wikipédia, énsiklopédia bébas basa Sunda
Luncat ka: pituduh, sungsi
Selat Sunda

Selat Sunda nyaéta selat antara pulo Jawa jeung Sumatra di Indonésia. Selat ieu ngahubungkeun Laut Jawa jeung Samudra Indonésia.

Lébar dina titik nu pangheureutna--nu aya lebah tungtung kalér sapanjang kira 30 km--kurang-leuwih 30 km. Sedengkeun titik panglébarna, kurang-leuwih sapanjang 100 km, ogé boga jarak 100-an km. Aya sababaraha pulo leutik na selat ieu; gunung Anak Krakatau aya di salasahijina.

Salaku salasahiji jalur peupeuntasan utama ti Laut Cina Kidul ka Samudra Indonésia (nu hiji deui nyaéta Selat Malaka), Selat Sunda geus lila dianggap penting pikeun navigasi. Najan mibanda kalemahan sabab déét jeung loba batuna, tapi nguntungkeun sabab leuwih pondok batan Selat Malaka, sahingga ancaman bajak laut leuwih leutik.

Awal taun 1942 lumangsung perang Selat Sunda, armada Jepang nu dipingpin ku Laksamana Kenzaburo Hara ngancurkeun armada Sekutu USS Houston jeung HMAS Perth nalika nyegat sangkan teu balabuh di Jawa.