Shania Twain

Ti Wikipédia, énsiklopédia bébas basa Sunda
Luncat ka: pituduh, sungsi
Shania Twain dina Juno Awards di Kanada Maret 2011

Eilleen Regina Edwards atawa leuwih kasohor ku sebutan Shania Twain nya éta salasahiji musisi asal Kanada.[1] Lahir di Windsor Ontario tanggal 28 Agustus 1965.[1]
Lahir ti pasangan Sharon jeung Clarence Edwards.[2] Shania kungsi nikah jeung Robert John Mutt Lange dina tanggal 28 Desember 1993 nepi ka ngalahirkeun anak nu ngaranna Eja D'Angelo.[2] Tapi teu kungsi lila Twain jeung Lange pipisahan dina tanggal 9 Juni 2010.[2] Shania nikah deui dina tanggal 1 Januari 2011 di Rincón, Puerto Rico ka Frederic Thiebaud, pangusaha asal Swiss.[2]
Ngamimitian karir dina dunya musik ti leuleutik kénéh kalawan ngeusi acara The Tommy Hunter Show nalika umurna 13 taun.[2] Préstasina nu pangnyongcolangna bisa katitén tina albeumna nu katilu nya éta Come On Over nu jadi albeum panglakuna dina mangsa harita.[1] Leuwih ti 39 juta kopi kajual di sakuliah dunya sarta jadi album nu panglakuna kasalapan di U.S, sedengkeun albeum kaopatna nu judulna Up! Dirilis ahir 2002, kajual leuwih ti 20 juta kopi di sakuliah dunya.[1]
Shania kungsi ninggalkeun dunya musik alatan kudu ngurus adi-adina.[2] Kolotna tilar dunya nalika Shania umurna 22 taun.[2] Taun 1991 Shania meunangkeun kontrak rékaman ti Mercury Nashville.[2] Albeum munggaranana teu ngahasilkeun hiji préstasi nu nyongcolang.[2] Tapi dina albeum kaduana The Woman in Me ngahasilkeun angka jual pangluhungna sarta tina ieu albeum Shania meunangkeun Grammy Award salaku Best Country Album. [2] Shania Twain ogé kacatet salaku hiji-hijina wanoja nu meunangkeun Diamond tina tilu albeumna.[2] Ti mimiti ancrub ka dunya musik, Shania Twain geus boga 5 studio album jeung 1 Greatest Hist. [2]

Diskografi[édit | sunting sumber]

Album[édit | sunting sumber]

  1. 1993: Shania Twain
  2. 1995: The Woman in Me
  3. 1997: Come on Over
  4. 2002: Up!

Album Kompilasi[édit | sunting sumber]

  1. 2001: The Complete Limelight Sessions
  2. 2004: Greatest Hist

Referensi[édit | sunting sumber]

  1. a b c d Biografi Shania Twain (Diaksés tanggal 15 Nopember 2011) (id)
  2. a b c d e f g h i j k l Shania Twain (Diaksés tanggal 15 Nopember 2011) (id)


Soekarno.jpg