Simple Plan
Simple Plan nya éta salah sahiji grup musik aliran punk-pop acts asal Kanada anu kawilang suksés[1]. Anggotana nya éta Pierre Bouvier (vokal), Jeff Stinco (gitar), David Desrosiers (bass), Sebastien Lefebvre (gitar), jeung Chuck Comeau (drum)[1].
Awal Kabentuk [édit]
Awalna Bouvier jeung Comeau nya éta personil grup musik Reset anu harita kasohor pisan di Kanada, malah mah kungsi tur bareng MxPx, Teen Foot Pole jeung Face to Face[1]. Terus Comeau kaluar lantaran hayang kuliah, tapi dua taun kahareupna Comeau kaluar ti kuliahna terus gawé bareng jeung Stinco sarta Lefebvre pikeun nyieun grup musik anyar[1]. Bouvier anu masih kénéh jadi personil Reset ahirna ngiluan jeung proyék Comeau sabada papanggih di Sugar ray Show[1]. Desrosiers ogé teu poho diajakan, sanggeus limaanana ngumpul, ti harita lahir grup musik Simple Plan anu nepi ka ayeuna can kungsi gonta-ganti personil[1].
Diskografi Album [édit]
Simple Plan ngadadak kasohor sabada ngarilis album No Pads, No Helmets...Just Balls anu dirilis tanggal 19 Maret 2002 kalayan label rekaman nya éta Atlantic[2]. Suksés ieu diteruskeun di Album kaduana anu dijudulan Still not Getting any anu dirilis tanggal 26 Oktober 2004 kalayan label rekaman Lava Records[2]. Lagu andalan dina ieu album nya éta Welcome to My Life[2]. Taun 2008, Bouvier, spk ngarilis album anu judulna Simple Plan[2]. Anu pamungkas, Simple Plan ngarilis albm Get Your Heart On! tanggal 21 Juni 2011[2].
Référénsi [édit]
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
