Sirsak

Ti Wikipédia, énsiklopédia bébas
Luncat ka: pituduh, sungsi
Sirsak

Sirsak nya éta salah sahiji wanda bungbuahan anu asalna ti Karibia, Amerika Tengah jeung Amerika Selatan. Di sawatara wewengkon di Indonesia dipikawanoh minangka ''nangka sebrang'', ''nangka landa'' (Jawa), ''nangka walanda'', sirsak(Sunda), ''nangka buris'' (Madura), ''srikaya jawa'' (Bali), ''deureuyan belanda'' (Aceh), ''durio ulondro'' (Nias), ''durian betawi'' (Minangkabau), sarta ''jambu landa'' (Lampung). Saupama dititénan tina wanda sirsak di luhur, bisa kapaluruh yén sirsak asalna tina basa Walanda: zuurzak anu hartina kantong haseum. Sirsak didatangkeun ku pamaréntah Hindia-Walanda ka Nusantara, nya éta dina abad ka-19, sanajan asalna lain ti Eropa.

Sirsak nu dipelak pikeun tujuan komersial biasana nu dimangpaatkeunna téh nya éta buahna. Jangkung tangkal sirsak bisa ngahontal kana 9 meter. Sirsak lain mangrupa buah anu sajati, anu ukuranna cukup gedé nepi ka bisa kana 20-30cm kalayan beuratna 2,5 kg. Anu disebut "buah" sajati téh nya éta kumpulan bungbuahan kalayan siki nu nunggal anu padédémpét nepi ka leungiteun wates jeung papada daging buahna. Daging buah sirsak warnana bodas jeung miboga siki nu warnana hideung. Buah ieu remen digunakeun pikeun bahan jus jeung es krim. Dina buah sirsak loba gizi anu mangpaat pikeun awak diantarana nya éta karbohidrat, (utamana fruktosa), vitamin C, vitamin B1 jeung vitamin B2. Dina siki sirsak aya racun anu bisa digunakeun minangka insektisida alami.


Nulis.jpg