Sulap

Ti Wikipédia, énsiklopédia bébas
Luncat ka: pituduh, sungsi
Tom Stone pesulap asal Swédia

Sulap nya éta seni pintonan nu diminati ku sabagéan masarakat dunya, ku lantaran pintonan ieu bisa nimbulkeun rasa kapanasaran pamiarsana ku trik-trik nu dipintonkeuna. [1] Sulap mangrupa gabungan ti sababaraha seni, diantarana seni tari, seni musik, seni rupa, jeung sajabana. [1] Salian ti éta sulap mangrupa gabungan ti sababaraha disiplin élmu, saperti élmu fisika, élmu biologi, élmu kimia, élmu psikologi, jeung élmu-élmu séjénna. [1] Seni Sulap lain mangrupa kaparigelan klenik atawa supranatural, ku lantaran trik sulap bisa dijelaskeun. [1] Sulap sabenerna kaparigelan tangan, manipulasi, hasil kerja ti hiji benda, bisa ogé ti efek nu timbul ti réaksi kimia. [1]

Sajarah[édit | sunting sumber]

Taun 1700 SM, aya bukti dokumén paling heubeul dina lembaran papyrus, nyebutkeun yén ditimukeun pintonan sulap. [2] Saurang pesulap Mesir ngaranna Deddy, diundang pikeun ngahibur Raja Cheops. [2] Salah sahiji ti trik nu dipintonkeunna nya éta motong hulu sato tuluy dibalikeun deui kana kayaan mimiti. [2] Ku Raja, Deddy dititah ngulang sulapna kalayan conto saurang tahanan. [2] Deddy teu daékeun nu akhirna nyien Raja kuciwa, tapi manéhna ngulang trikna ka hiji sapi. [2]

Trik Cups and balls nya éta salah saiji trik sulap nu paling heubeul. [2] Egyptologis nyebutkeun yén aya cutatan lukisan di kuburan Mesir Tua di Beni Hasan nu umurna sakitar 2500 - 2200 taun SM. [2] Lukisan ieu ngagambarkeun dua jalma nu keur ngoméan opat cangkir. [2] Cups and balls mangrupa trik nu apling heubeul jeung masih kasohor nepi ka kiwari. [2]

Di abad ka-18 sulap jadi hiji pintonan anu kasohor. [2] Isaac Fawkes (1675 - 1731) nya éta saurang pesulap nu ngawanohkeun sulap di Inggris. [2] Salian ti Isaac Fawkes aya ogé pesulap séjénna saperti Giuseppe Pinetti (1750 - 1800), lahir di Itali. [2] Manéhna kacida kasohorna nepi ka sok minton di kulawarga karajaan. [2] Tapi di taun 1783, nalika manéhna keur maén sulap di Paris, Henri Decremps saurang ahli hukum ngabongkar trik sulap Pinetti anu ditulis dina hiji buku. [2] Tapi hal ieu malah ngajadikeun pinetti leuwih kasohor di dunya sulap. [2] Taun 1784, manéhna ngayakeun pintonan di Haymarket Theatre, London, salah sahiji acara penting ku lantaran mangrupa mangsa peralihan ti seni sulap jalanan jeung Festival Pekan Raya jadi pintonan teater.[2] John Henry Anderson (1814 - 1874) nya éta pesulap ti Skotlandia nu sering disebut The Wizard of the North. [2] Manéhna suksés di Eropa, Amérika jeung Australia. [2] Manéhna kasohor ku trik sulap na kalayan maké pakakas ti pérak solid. [2] Tapi manéhna kungsi malarat nalika teater manéhna kabakaran. [2] Saprak harita masarakat mikawanoh sulap salaku salah sahiji seni pintonan. [2]


Nulis.jpg



Rujukan[édit | sunting sumber]

  1. a b c d e Wangenan Sulap (Diakses tanggal 20 November 2011)
  2. a b c d e f g h i j k l m n o p q r s t u Sajarah Sulap (Diakses tanggal 20 November 2011)