TVRI

Ti Wikipédia, énsiklopédia bébas
Luncat ka: pituduh, sungsi
Menara pemancar TVRI Nasional (Jakarta)

Télevisi Républik Indonésia (TVRI) nyaéta lembaga penyiaran anu nyandang ngaran nagara ngandung harti yén kalawan éta ngaran téh siaranana ditujukeun pikeun kapentingan nagara.[1] Ti semet ngadeg tanggal 24 Agustus 1962, TVRI mibanda tugas minangka télévisi anu ngangkat citra bangsa ngaliwatan ngokolakeun penyiaran kajadian anu boga skala internasional, ngarojong kamajuan kahirupan masarakat sarta pikeun ngaraketkeun sosial.[1]

Dinamika kahirupan TVRI nyaéta dinamika perjuangan bangsa dina prosés diajar démokrasi.[1] Dina tanggal 24 Agustus 1962 dina mangsa Démokrasi Terpimpin, TVRI wangunna Yayaysan anu diadegkeun pikeun ngajumantarakeun bubuka Asian Games anu ka IV di Jakarta.[1] Asup kana mangsa Démokrasi Pancasila dina taun 1974, TVRI geus rupa jadi salah sahiji bagian tina organisasi jeung tata gawé Departemén Penerangan kalawan statusna minangka Direktorat anu boga tanggungjawab Direktur Jendral Radio, Televisi jeung Film.[1]

Dina mangsa Réformasi medal Peraturan Pemerintan RI Nomor 36 Tahun 2000 anu netepkeun status TVRI jadi Perusahaan Jawatan di handapeun Pangaping ti Departemen Keuangan.[1] Tuluy ngaliwatan Peraturan Pemerintah Nomor 9 Tahun 2001 TVRI rubah deui statusna jadi PT.TVRI (Persero) di handapeun pangaping ti Kantor Mentri Negara BUMN.[1] Tuluy liwat Undang-Undang Republik Indonesia Nomor 32 Tahun 2002 tentang Penyiaran, TVRI ditetepkeun minangka Lembaga Penyiaran Publik anu wangunna badan hukum au diadegkeun ku Nagara.[1]

Minangka stasiun televisi anu nyangking pesen-pesen pamaréntah, TVRI muncul minangka pamaén tunggal dina industri pertelevisian Indonésia mangsa harita.[2]Mangsa éta téh lumangsung kalawan waktu anu lila, komo nalika Soekarno runtag tina kakuasaanana.[2] Peran TVRI minangka média propaganda pamaréntah tuluy diteruskeun ku Soeharto.[2]

Logo TVRI[édit | sunting sumber]

Sumber[édit | sunting sumber]

  1. a b c d e f g h (id) Televisi Republik Indonesia (diakses 1 November 2011)
  2. a b c (id)Jatuh Bangun TVRI TV Nasional VS TV Swasta (diakses tanggal 1 November 2011)


Nulis.jpg