Tangkil

Ti Wikipédia, énsiklopédia bébas basa Sunda
Luncat ka: pituduh, sungsi
Tangkil
Tangkil
Klasifikasi ilmiah
Kingdom: Plantae
Division: Gnetophyta
Class: Gnetopsida
Order: Gnetales
Family: Gnetaceae
Genus: Gnetum
Species: G. gnemon
Ngaran binomial
Gnetum gnemon
L.

Tangkil (Gnetum gnemon L.) atawa dina basa Indonésia disebut melinjo nyaéta hiji spésiés tutuwuhan nu sikian nu terbuka (Gymnospermae) nu bentukna tangkal sarta asalna ti Asia tropis jeung Pasifik Kulon. Tangkil dipikawanoh ogé kalawan ngaran belinjo, mlinjo (basa Jawa), atawa bago (basa Malayu sarta basa Tagalog). Tangkil réa dipelak di pakarangan minangka pangiuhan atawa pangwates pakarangan sarta utamana dimangpaatkeun "buah" jeung daunna.

Gambaran botani[édit | sunting sumber]

Tangkil mangrupakeun tuwuhan taunan nu ngawangun tangkal anu mibanda dua imah (dioecious, aya individu jalu jeung bikang). Tngkalna kukuh sarta bisa dimangpaatkeun jadi bahan bangunan. Daunna tunggal sarta bentukna oval jeung tungtungna mintul. Tangkil henteu ngahasilkeun kembang sarta buah sajati alatan lain kaasup tuwuhan nu kembangan. Anu dianggap buah sabenerna mah nyaéta siki anu kabungkus ku salapis aril anu dagingan.

Pamangpaatan[édit | sunting sumber]

Tangkil arang dibudidayakeun sacara inténsif. Kaina bisa dipaké jadi bahan pikeun papan. Daun ngorana dipaké pikeun bahan sayuran (contona dina sayur asem). "Kembang" (jalu atawa bikang) sarta sikina anu masih laleutik (pentil) atawa anu geus asak dijadikeun ogé sayuran. Siki tangkil ogé dijadikeun bahan baku emping.

Minangka sumber pangan, siki tangkil ngandung kadar urea nu rada luhur sahingga leuwih hadé ulah ngadaharna kaleuleuwihan.