Tari Péndét

Ti Wikipédia, énsiklopédia bébas basa Sunda
Luncat ka: pituduh, sungsi
Penari péndét nyepengan bokor tempat kembang

Tari Pendet mimitina tari muja anu sok diayakeun di pura, tempat ibadah umat Hindu di Bali, Indonésia.[1] Tarian ieu ngalambangkeun nyambut turunna déwata ka alam dunya. Lila kalilaan, para seniman Bali ngubah Péndét jadi ucapan selamat datang, sanajan tetep ngandung anasir anu sakral-religius.[1] Nu nyiptakeun koreografer bentuk modérn tari ieu nya éta I Wayan Rindi.[1] Biasana tarian ieu dipintonkeun sanggeus Tari Rejang di buruan pura biasana nyanghareup ka arah suci (pelinggih) kalayan maké baju upacara jeung masing-masing penari mawa sangku, kendi, cawan, jeung kalengkepan sasajén lainna.[1] Tari péndét disapukan lahirna taun 1950.[2] Biasana Tari Péndét sacara kelompok atawa pasangan. Penarina awéwé, tarian ieu leuwih dinamis ti tari Rejang.[2] Para penari Péndét dandan saperti penari upacara kaagamaan anu sakral. [2] Sacara étimologi, kecap péndét asal tina pundutatawa sasajén pikeun turunan Ida Betara-Betari.[3]

Gerakan[édit | sunting sumber]

Ditilik tina gerakan-gerakanna tari ieu bisa disebut pikeun tari dasar tina jinis tari-tarian lainna.[3] Sababaraha ngaran gerakan dina Tari Péndét nya ta gerak ngumbang, ngelung atawa agem, ngegol, nyeregseg, gelatik nuut papah, nyalud, sledet, dan ngotag leher.[3] Tari Péndét mangrupa tarian kelompok kalayan sumanget jeung ekspresif.[3] Unggal penari mawa bokor anu eusina kembang.[3] Saperti tari bali séjéna tari péndét loba maké gerakan panon anu disebut seledet, gerak leungeun, gerakan sirah, gerakan taktak, jeung gerakan suku.[3] Salah sahiji sikep narina téh disebut agem, nya éta sikép kadua suku rengkuh dina posisi anggang jeung leungeunna ditilep.[3] Ciri has tari ieu nya éta gerakan ngawurkeun kembang saencan dimimitian ku gerakan persembahan bari diuk.[3] Tari Péndét dipirig ku saperangkat alat gamelan Bali.[3] Perangkat gamelan Bali béd jeung gamelan Jawa. Perangkat gamelan Bali di antarana tarompong, reyong, bendé, kempul, gong, gendang wadu, petuk, gendang lanang, cengceng, jublag, jagong, gangsa, ugal, kantil, jeung gong kebyar. [3]

catetan[édit | sunting sumber]

  1. a b c d Tari Pendet Tarian Dari Bali(Dicutat tanggal 3 Desember 2011)
  2. a b c Sejarah Tari Pendet(Dicutat tanggal 3 Desember 2011)
  3. a b c d e f g h i j Tari Pendet (Dicutat tanggal 3 Desember 2011)