Teater Romawi
Sanggeus taun 200 SM, kagiatan seni pindah ti Yunani ka Roma, kitu ogé jeung drama.[1] Drama-drama Romawi kacida pentingna dina kamekaran sajarah lantaran gedé pangaruhna ka jaman Renaissance.[1] Loba panulis Renaissance nu tatapakanana tina drama-drama Yunani nu disadur kana drama Romawi, misalna waé William Shakespeare.[1]
Teater Roma mangrupa hasil adaptasi tina teater Yunani, bédana téh dina scene ditambahan témbok nu jangkung nu disebut FaÇade. Panggung mibanda pungsi minangka jalan.[2]
Pamaréntah ngan saukur méré bantuan dina pintonan-pintonan, sedengkeun waragadna mah jadi tanggung jawab jalma nu baleunghar. [2]
Daptar eusi |
[édit] Wangun drama di Teater Romawi
[édit] Tragédi
Wangun drama ieu diwanohkeun ka Roma taun 240 SM ku Livius Andronicus (ngaliwatan saduran tragédi-tragédi Yunani).[2] Panulis tragédi nu kasohor nya éta Lucius Annaeus Seneca (4 SM-65 SM).[2] Seneca nya éta inohong politik jeung sasta sarta sauranf filsuf nu nganut mazhab STOA.[2]Tulisan-tulisanana leuwih museur kana filsafat, sawatara surat, esei, sarta hiji satyr jeung 9 tragédi.[2]
[édit] Komédi
Ampir sarua jeung komédi anyar Yunani.[2] Lakon koor dileungitkeun sarta ditambahan ku musik jeung lagu.[2] Panulis-panulisna nya éta Terence jeung Plautus.[2]
[édit] Drama minor
Ieu drama dibagi jadi tilu nya éta farce péndék, mime (drama péndék nu faktual), jeung pantomim. [3]
Jenis drama nu dipikaresep di Roma nya éta komédi, farce péndék, pantomime, jeung pintonan-pintonan sénsasional.[2]
[édit] Referensi
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
