Thomas Stamford Raffles

Ti Wikipédia, énsiklopédia bébas basa Sunda
Luncat ka: pituduh, sungsi
Raffles

Sir Thomas Stamford Bingley Raffles nya éta salasahiji Gubernur-Jéndral Hindia-Walanda.[1] Lahir ping 6 Juli 1781 di Laut Off Jamaika.[2] Kasohor salaku warga nagara Inggris nu ngadegkeun karajaan panggedena di sakuliah dunya.[1]
Bapana nya éta Kaptén Benjamin Raffles nu kalibet dina kagiatan dagang budak beulian di pulo Karibian.[1] Raffles ditinggalkeun maot ku bapana nalika umur 15 taun.[1] Tisaprak harita, Raffles langsung digawé di London pikeun Perusahaan Hindia Timur Britania, salasahiji perusahaan dagang satengah pamaréntah nu miboga peran nalika Inggris naklukkeun nagri-nagri lianna.[1]
Taun 1805 Raffles dikirim ka pulo nu kiwari kasohor minangka Penang di Malaysia.[1] Harita mah éta pulo téh ngaranna Pulo Pangeran Wales.[1] Raffles diangkat jadi Letnan Gubernur Jawa dina taun 1811.[1] Nalika pamaréntahanana, loba hal nu diropéa saperti introduksi otonomi nu kawatesanan, ngeureunkeun kagiatan ngadagangkeun budak beulian, reformasi sistem pertahanan pamaréntah Walanda, nalungtik sasatoan jeung tutuwuhan nu aya di Indonesia, nalungtik titinggal kuno saperti Candi Borobudur jeung Candi Prambanan, jeung sajabana.[1]
Hasil panalungtikanana di pulo Jawa dituliskeun dina buku nu juduna History of Java nu nétélakeun ngeunaan sajarah pulo Jawa.[2] Dina panalungtikanana Raffles dibantuan ku James Crawfurd jeung Kolonel Colin Mackenzie.[1]
Garwa Raffles, Olivia Marianne tilar dunya dina tanggal 26 November 1814 di Buitenzorg tur dimakamkeun di Batavia perenahna nu kiwari dijadikeun Museum Prasasti.[1] Di Kebun Raya Bogor diwangun monumén pikeun miéling Olivia Marianne.[1]
Taun 1815 Raffles balik deui ka Inggris sanggeus Jawa dikawasa deui ku Walanda.[1] Taun 1817 Raffles nulis jeung medalkeun buku History of Java.[2]
Di Inggris, Raffles ngadegkeun Zoological Society of London tur jadi pupuhu munggaranana.[1] Raffles ngantunkeun sapoé saméméh milangkalana nu ka-45 ping 5 Juli 1826 alatan apoplexy atawa struk. [2]


Referensi[édit | sunting sumber]

  1. a b c d e f g h i j k l m n Sir Thomas Stamford (Diakses tanggal 9 Nopember) (id)
  2. a b c d Biografi Raffles (Diakses tanggal 9 Nopember) (en)


Soekarno.jpg