Toké

Ti Wikipédia, énsiklopédia bébas
Luncat ka: pituduh, sungsi
Toké
Klasifikasi ilmiah
Kingdom: Animalia
Phylum: Chordata
Class: Réptilia
Order: Squamata
Suborder: Sauria
Family: Gekkonidae
Genus: Gekko
Species: G. gecko
Ngaran binomial
Gekko gecko
(Linnaeus, 1758)

Toké (Gekko gecko) mangrupakeun spésiés cakcak arboréal nokturnal (liar ti peuting) pituin Asia tenggara jeung Kapuloan Indo-Australia, sumebar ti India jeung Bangladés, nepi ka Indonésia jeung New Guinea kulon. Habitat asalna mah dina tatangkalan jeung gawir-gawir di leuweung hujan, tapi bisa ogé hirup di habitat manusa, mapay témbok jeung kenténg paimahan pikeun néang serangga mangsana. Sato ieu kagolongkeun karnivora nu agrésip, ngahakan rupa-rupa serangga, malah sok silih serang sasama jalu. Hirupna bisa nepi ka 7&mdash10 taun.

Ahir 1980-an jeung awal 1990-an, toké mimiti dibawa ka Hawaii, Florida, Belize, jeung sababaraha kapuloan Karibia.

Toké téh spésiés cakcak pangbadagna kadua, panjangna 30-40 cm (jalu), 20-30 cm (bikang), sarta beurat 150-300 g. Katémbongna lucu, sabab boga kelir cékas: tutul-tutul bulao, oranyeu, atawa beureum.

Toké téh kawentar (mun dibandingkeun jeung bangsa kadal lianna) ku sorana anu tarik. Ngaran "toké" ieu ogé dicokot tina sadana nalika ngajak kawin: "tokké... tokké..". Sato ieu mah, mun ngarasa kaancam téh tara kabur, malah calangap siap-siap narajang ngégél ka nu ngancamna. Mun geus ngégél, sakadang toké téh tara ngaleupaskeun gégélanana. Sangkan dileupaskeun, cenah mah ku cara dilelepkeun kana cai.

Sato ingon[édit | sunting sumber]

Najan galak, toké sok dikukut alatan kelir awakna nu warna-warni. Tapi, nyéta, kusabab galak téa, dikukutna téh cukup ku dikandangan baé. Miarana teu hésé, asal dibéré kandang nu nangtung (jangkung ka luhur), toké bisa nepi ka anakan.

Sumber rujukan[édit | sunting sumber]

  • Tokay gecko, Wikipédia édisi basa Inggris per 22 Pébruari 2006.

Tumbu kaluar[édit | sunting sumber]