Tongo
| Tongo | |
|---|---|
 |
|
| Status konservasi | |
| Klasifikasi ilmiah | |
| Kingdom: | Animalia |
| Phylum: | Arthropoda |
| Class: | Insecta |
| Order: | Phthiraptera |
| Suborder: | Anoplura |
| Family: | Pthiridae |
| Genus: | Pthirus Leach, 1815 |
| Species: | P. pubis |
| Ngaran binomial | |
| Pthirus pubis (L., 1758, asalna Pediculus pubis) |
|
| ICD-10 | B85. | |
|---|---|---|
| ICD-9 | 132 | |
| DBPanyakit | 10028 | |
| MedlinePlus | 000841 | |
| eMedicine | emerg/298 | |
| MeSH | B01.500.131.617.564.159.730 | |
Tongo (Phthirus pubis, Pthirus pubis) nyaéta kutu/serangga parasit anu dipikaceuceub kusabab matuh dina baga manusa, tapi kungsi ogé kapanggih dina bulu panon, anu hirupna tina nyeuseup getih. Nepi ka kiwari, ieu kutu ukur kapanggih nyayang di manusa, najan aya ogé dulur deukeutna (Pthirus gorillae) anu nyayang di Gorila.
Daptar eusi |
[édit] Klasifikasi
Dina dunya médis, dicoco tongo disebutna 'phthiriasis pubis', anapon mun dicocona dina kongkolak panon disebut phthiriasis palpebrarum.[1]
[édit] Tanda jeung gejala
Gejala utama dicoco tongo nyaéta ateul, utamana dina lebah anu katutupan baok, balukar tina hipersénsitivitas kana ciduh tongo, anu bakal leuwih parna sanggeus leuwih ti dua minggu ti saprak munggaran dicoco. Tapak nyocona kadang katémbong biru-kulawu (maculae caeruleae) anu bisa awét nepi ka sababaraha poé.
[édit] Tépa
Ilaharna, tongo pindah jalma ku cara tepung awak, utamana sapatemon. Di nu saimah, tépana bisa ngaliwatan anduk anu dipaké bareng, pakéan, kasur, atawa klosét.
[édit] Natambaan
Tongo bisa ditatambaan ku krim 1% Permethrin jeung pyrethrin. Sanggeus kitu, hadéna mah baokna diparas jeung disisir pikeun ngaleungitkeun tongo jeung lisana nu geus paraéh. Lian ti éta, sakur sepré kudu diganti. Pikeun maéhan tongo nu bisa jadi aya dina sepré, éta sepré kudu dipalastikan sing pageuh ngarah euweuh hawa, sarta disimpen heula salila lima welas poé, terus diseuseuh.
[édit] Baca ogé
[édit] Rujukan
- Crab louse. Wikipédia basa Inggris (disalin 14 Juli 2010).
- ↑ Manjunatha NP, Jayamanne GR, Desai SP, Moss TR, Lalik J, Woodland A. Pediculosis pubis: presentation to ophthalmologist as phthriasis palpebrarum associated with corneal epithelial keratitis. Int. J. STD AIDS 2006; 17: 424-426
