Travis Barker

Ti Wikipédia, énsiklopédia bébas
Luncat ka: pituduh, sungsi
Travis Landon Barker

Travis Landon Barker atawa Travis Barker ieu nya éta drummer ti grup musik Blink-182, +44 jeung sababaraha grup musik séjénna[1]. Travis lahir di Fontana, Kalifornia, Amerika Serikat tanggal 14 Nopémber 1975[1][2]. Travis geus nikah 2 kali, Travis nikah jeung Melisa Kennedy dina 22 Séptémber 2001, tapi cerai tanggal 6 Agustus 2002[1]. Travis nukah deui jeung Miss USA 1996, Shanna Moakler, tapi cerai deui sabada 2 taun nikah[1].

Travis Barker geus maén drum ti umur 4 taun kénéh, ieu drum dibéré ku Indungna[2]. Travis diajarkeun maén drum ku Michael Mai, musisi Jazz[2]. Travis diajar rupa-rupa warna musik anu ngabentuk ciri hasTravis nalika maén drum ayeuna[2]. Dina waktu sataun. Travis geus aktip maén drum, lian ti éta, Travis ogé kungsi keurseus maén terompet[1].

Travis gabung jeung Blink-182 nalika Blink-182 tur bareng The Aquabats (grup musikna Travis saacan pindah)[2]. Harita drummer Blink-182, Scott Raynor dikaluarkeun alatan gering, Travis ngajukeun dirina sangkan ngaganti posisi Scott, ieu paménta disatujuan ku Mark jeung Tom sabada ningali kaparigelan Travis nalika manggung bareng jeung Blnk-182[2]. Sabada 7 taun aktip, ahirna Blink-182 dinyatakeun vakum dina Pébruari 2005, terus Travis mulai naratas karirna sorangan[2][1]. Travis mulai nyieun proyék jeung musisi-musisi séjén[1]. Travis jeung Mark ngabentuk +44, terus Travis ngagabung jeung grup musik Expensive Taste[2]. Lian ti éta, Travis ogé ngadegkeun perusahaan Famous Stars and Straps (1999) jeung Lasalle Records (2004), Travis ogé ngadegkeun réstoran Wahoo's Fish Taco di Kalifornia[1].

Référénsi[édit | sunting sumber]

  1. a b c d e f g h [Profl Travis Barker-kapanlagi.com] (diaksés tanggal 16 Nopémber 2011)
  2. a b c d e f g h (en)[Travis Barker - drummersrepublic.com] (diaksés tanggal 16 Nopémber 2011)
Nulis.jpg