Universitas Indonesia

Ti Wikipédia, énsiklopédia bébas
Luncat ka: pituduh, sungsi

Universitas Indonesia
Lambang Universitas Indonesia

Motto Toward World Class University
Ngadeg 1851
Jinis Paguron Luhur Nagri
Réktor Prof. Dr. Ir. Muhammad Anis, M. Met.
Perenah Dépok, Jawa Kulon
Loka http://www.ui.edu

Universitas Indonesia atawa mindeng disingkat UI nyaéta salah sahiji paguron luhur nagri di Indonésia anu mangrupa universitas pangkolotna di Indonésia, anu resmi diadegkeun dina taun 1946 kalawan ngaran "Universiteit van Indonesië".

Dina tanggal 26 Désémber 2000, pamaréntah Républik Indonésia ngesahkeun status otonomi UI dumasar kana PP No. 152. Kiwari, UI keur aya dina mangsa transisi nuju ka universitas nagri anu otonom.

Universitas Indonesia dipingpin ku saurang Réktor. Réktor UI saprak 17 Méi 2013 nyaéta Prof. Dr. Ir. Muhammad Anis, M. Met..

Sajarah[édit | sunting sumber]

Gambar:Universidad Indonésia Edificio Administrativo.JPG
Gedong réktorat anu mindeng dijadikeun ikon UI.

Sajarah Universitas Indonesia bisa disusud saprak taun 1851. Mangsa harita, pamaréntah kolonial Walanda ngadegkeun hiji sakola anu boga tujuan pikeun ngahasilkeun asisten dokter tambahan. Murid di sakola ieu meunangkeun palatihan kadokteran salila dua taun. Lulusanana dibéré sértipikat pikeun ngalakonan perawatan tingkat dasar sarta meunangkeun gelar Dokter Jawa (Javanese Doctor), boga gelar kitu alatan dokter ieu ngan dibéré idin pikeun muka prakték di wewengkon Hindia Walanda, utamana di pulo Jawa. Dina taun 1864, program atikan kasebut ditambah waktuna jadi tilu taun, sarta dina taun 1875 jadi 7 taun. Gelar anu dibikeun ogé robah jadi Dokter Médis (Medical Doctor)

Dina taun 1898, pamaréntah kolonial ngadegkeun sakola anyar pikeun ngalatih tanaga médis, nyaéta STOVIA (School tot Opleiding von Indische Artsen). Atikan di STOVIA lumangsung salila 9 taun: 3 taun satingkat SMP, tilu taun satingkat SMA, sarta tilu taun séjénna satingkat Diploma. Réa lulusan STOVIA anu saterusna boga andil penting dina pergerakan kamerdikaan Indonésia.

Dina taun 1924 pamaréntah kolonial ngadegkeun RHS (Rechts Hogeschool) anu boga tujuan pikeun nyumponan tanaga administrasi sipil tingkat rendahan. RHS ieu pisan anu jadi cikal-bakal Fakultas Hukum UI. Dina taun 1927 pamaréntahan kolonial ngarobah status sarta ngaran STOVIA jadi GHS (Geneeskundige Hogeschool). Gedong atikan sarta palatihan kadokteran anu dipaké GHS jadi gedong Fakultas Kedokteran UI ayeuna. Réa alumni GHS anu saterusna boga andil gedé dina ngadegkeun Universitas Indonésia.

Sanggeus kamerdikaan Indonésia dideklarasikan dina tanggal 17 Agustus 1945, Badan Pendidikan Tinggi Indonesia (BPTRI) diadegkeun di Jakarta. BPTRI ngabogaan tilu fakultas, nyaéta Kadokteran jeung Farmasi, Sastra, sarta Hukum. Dina taun anu sarua, institusi ieu hasil ngaluluskeun 90 jelema salaku dokter. Sabot soldadu kolonial Walanda ngawasa Jakarta dina tungtung taun 1945, BPTRI dipindahkan ka Klatén, Surakarta, Yogyakarta, Surabaya, sarta Malang. Dina tanggal 21 Juni 1946 NICA ngadegkeun hiji Nood Universiteit atawa Universitas Samentara di Jakarta. Dina tanggal 21 Maret 1947, ngaran Nood Universiteit diganti jadi Universiteit van Indonesie (UVI). Ahirna, sanggeus Jakarta hasil direbut deui, pamaréntah mulangkeun BPTRI ka Jakarta sarta ngagabungkeunana jeung Universiteit van Indonesie, sarta dibéré ngaran anyar Universiteit Indonésia (UI).

UI sacara resmi mitembeyan kagiatanana dina ping 2 Pebruari 1950 kalawan présidén (ayeuna disebut réktor) kahijina nyaéta Ir. R.P Soerachman Tjokroadisoerio. Kantor Présidén Universiteit Indonesia awal mulana dumuk di Jakarta, persisina di gedong Fakultas Kedokteran di Jl. Salemba Raya no. 6, satuluyna dipindahkeun ka salah sahiji wangunan urut pabrik madat di Jl. Samlemba Raya no. 4, Jakarta. Tanggal 2 Pebruari 1950 saterusna dijadikeun poé kalahiran Universitas Indonesia.

Mimitina, UI ngabogaan 9 fakultas sarta 3 lembaga anu sumebar di lima dayeuh, nyaéta Fakulteit Kedokteran, Fakulteit Ilmu Hukum dan Ilmu Pengetahuan Masyarakat, sarta Fakulteit Sastra dan Filsafat di Jakarta; Fakulteit Ilmu Alam dan Ilmu Pasti, Fakulteit Ilmu Pengetahuan Teknik, jeung Lembaga Pendidikan Guru Menggambar di Bandung; Fakulteit Pertanian jeung Fakulteit Kedokteran Hewan di Bogor; Fakulteit Ekonomi di Makassar; Fakulteit Kedokteran jeung Lembaga Kedokteran Gigi di Surabaya.

Dina taun 1955, Undang-undang No. 10 ngeunaan pengobahan kecap universiteit, universitet, jeung universitit disahkeun, ku kituna saprak harita Universiteit Indonesia sacara resmi dirobah ngaranna jadi Universitas Indonesia.

Lambat laun fakultas-fakultas anu aya di daérah misahkeun diri nyieun lambaga atikan anu mandiri. Dina tanggal 2 Maret 1959 Fakultas Teknik jeung Fakultas Ilmu Pengetahuan Alam di Bandung kabentuk sarta mekar jadi Institut Teknologi Bandung. Satuluyna dina tanggal 1 Séptémber 1963 Fakultas Pertanian sarta Fakultas Kedokteran Hewan UI misahkeun diri ogé jadi Institut Pertanian Bogor (IPB) anu kiwari jadi paguron luhur widang tatanén nu kasohor dina dunya internasional. Fakultas di Surabaya jadi Universitas Airlangga sarta nu di Makassar jadi Universitas Hasanuddin. Dina taun 1964 Fakultas Keguruan dan Ilmu Pendidikan jadi Institut Keguruan dan Ilmu Pendidikan (IKIP) Jakarta sarta kiwari robah jadi Universitas Negeri Jakarta.

Sabot Orde BAru dimimitian dina taun 1966, pamaréntah nunjuk sawatara guru besar UI pikeun nyicingan kalungguhan menteri kalayan tujuan pikeun nyéhatkeun deui kaayaan ékonomi nasional. Saprak harita, UI sacara konstan geus méré kontribusi nu nyata dina usaha-usaha pamaréntah pikeun ngahontal kamakmuran nasional.

Dina tanggal 26 Désémber 2000 ngaliwatan Aturan Pamaréntah RI Nomer 152 taun 2000, UI ditetepkeun salaku paguron luhur nagri mandiri nu boga status Badan Hukum Milik Negara (BHMN). Dina status kasebut, UI wajib leuwih ngahareupkeun unjuk gawé dina ngokolakeun hiji universitas publik kalawan prinsip-prinsip éfisiensi, éféktivitas, akuntabilitas, sarta transparansi.

Kampus[édit | sunting sumber]

Monumén anu aya di UI kampus Dépok.

Salémba[édit | sunting sumber]

Kampus Salémba perenahna di wewengkon Salémba, Jakarta Pusat Péta Kampus Salémba bisa ditempo di dieu [1].. Fakultas anu aya di kampus ieu téh Fakultas Kadokteran, Kadokteran Huntu, sarta sawatara program pascasarjana, program Éksténsi sarta Magister Manajemén Fakultas Ékonomi, sarta laboratorium Fakultas Téknik.

Dépok[édit | sunting sumber]

Kampus Depok, perenahna di Dépok, Jawa Kulon Péta Kampus Dépok bisa ditempo di dieu [2]., diwangun dina pertengahan taun 1980-an pikeun nampung modérnisasi universitas. Ayeuna, Kampus Dépok mangrupa kampus utama Universitas Indonesia. Kalolobaan fakultas di UI (MIPA, Téknik, Psikologi, Hukum, Ékonomi, Élmu Sosial sarta Élmu Pulitik, Élmu Komputer, Kaséhatan Masarakat, Élmu Kaperawatan) aya di dieu. Kampus Dépok diliwatan ku rél karéta Jakarta-Bogor ku kituna mahasiswa meunangkeun kamudah dina hal angkutan.

Pabukon Pusat Universitas ogé perenahna di dieu. Sajaba ti éta aya ogé sagala rupa fasilitas séjén kawas Puseur Administrasi Universitas, Puseur Kagiatan Mahasiswa, gimnasium, stadion, lapang hoki, pamondokan (Wisma Makara), agén perjalanan Makara Tour & Travel, sarta asrama.

Program Studi[édit | sunting sumber]

Program studi di UI dikokolakeun ku 12 fakultas sarta 1 program pascasarjana. Fakultas-fakultas kasebut nyaéta:

  • Fakultas Kedokteran
  • Fakultas Kedokteran Gigi
  • Fakultas Kesehatan Masyarakat
  • Fakultas Ilmu Keperawatan
  • Fakultas Matematika dan Ilmu Pengetahuan Alam
  • Fakultas Teknik
  • Fakultas Ilmu Komputer
  • Fakultas Hukum
  • Fakultas Ekonomi
  • Fakultas Ilmu Pengetahuan Budaya
  • Fakultas Psikologi
  • Fakultas Ilmu Sosial dan Ilmu Politik

Lambang[édit | sunting sumber]

Lambang Universitas Indonesia diwangun ku dua unsur, nyaéta tangkal jeung rangrang, sarta makara. Ideu dasar wangun lambang Universitas Indonesia nyaéta kala-makara. Kala nyaéta kakuatan ti luhur (Panonpoé), samentara makara nyaéta kakuatan ti handap (Bumi). Dua kakuatan éta saterusna digalokeun sarta distilir ku Sumaxtono nu ngaran aslina nyaéta Sumartono, mahasiswa Angkatan 1951 Seni Rupa Fakulteit Teknik Universiteit Indonesia, jadi makara anu ngalambangkeun Universitas Indonésia anu élmu sarta karyana sumebar ka sagala juru.

Gambar:Guaran simbol UI.jpg
Bagian-bagian dina lambang UI

Harti lambang Universitas Indonesia nyaéta kieu:

  • Tangkal katut rangrang sarta pucuk ngalambangkeun tangkal élmu pangaweruh kalawan cabang-cabang élmu pangaweruhna, samentara pucuk kasebut hiji mangsa baris mekar sarta jadi cabang élmu pangaweruh anyar. Pucuk-pucuk éta baris mekar salila tangkal élmu pangaweruhna hirup. Ku kituna, Sumaxtono hayang ngagambarkeun yén cabang-cabang élmu pangaweruh baris mekar luyu jeung kaperluan sarta kamajuan jaman.
  • Makara anu ngocorkeun cai ngalambangkeun hasil anu mancer ka sagala juru. Harti anu dimaksud ku Sumaxtono nyaéta Universitas Indonesia minangka asal élmu pangaweruh, baris ngahasilkeun sarjana-sarjana anu calakan, parigel, pinuh katakwaan, luhur budi, boga kapribadian sarta boga sikep terbuka, tanggep kana parobahan sarta kamajuan élmu jeung téknologi sarta masalah anu disanghareupan balaréa, sarta sanggup ngabéréskeunana luyu kalawan kaédah-kaédah akademik, di mana ogé maranéhanana aya.

Rarancang desain katut hartina dipintonkeun ku Sumaxtono ka Srihadi (mahasiswa Seni Rupa FT-UI, Bandung Angkatan 1952) dina taun 1952. Tapi, henteu dipikanyaho iraha sarta saha anu ngesahkeun lambang UI kasebut.

Buku anu munggaran ngagunakeun lambang Universitas Indonesia dina sampulna nyaéta buku Universiteit Indonesia, Fakulteit Teknik, Bandung: Rentjana Untuk Tahun Peladjaran 1952-1953 (Percetakan AID, Bandung, 120 kaca.)

Unit Kagiatan Mahasiswa[édit | sunting sumber]

Unit Kagiatan Mahasiswa mangrupa organisasi kamahasiswaan di tingkat Universitas anu fungsinya nandéan sagala rupa minat sarta bakat ti para mahasiswa UI. Unit Kagiatan Mahasiswa kasebut antara diantarana:

  • UKM Seni
    • Marching Band Madah Bahana
    • Orkes Simfoni Mawaditra
    • Paduan Suara Paragita
    • Liga Tari Krida Budaya
    • Teater Mahasiswa
  • UKM Olah Raga
    • Badminton
    • Softball
    • Hockey
    • Bal Voli
    • Atletik
    • Tenis Méja
    • Tenis Lapang
    • Sépak Bal
    • Bal Baskét
    • Ngojay
    • Catur
    • Bridge
    • Némbak
  • UKM Béla Diri
    • Inkai/Karaté
    • Taé Kwon Do
    • Sin Lam Ba
    • Merpati Putih
    • Bangau Putih
    • Pencak Silat Tanaga Besar
    • Judo
    • Tapak Suci
    • Kémpo
    • Satria Muda Indonesia
    • Perisai Diri
    • Aikido
  • UKM Séjénna
    • Wira Makara (urut Résimen Mahasiswa)
    • Mapala UI (Mahasiswa Pecinta Alam UI)
    • Kelompok Studi Mahasiswa Eka Prasetya
    • Koperasi Mahasiswa
    • Perhimpunan Fotografi
    • Komunitas Debat Bahasa Inggris
    • CEDS (Kewirausahaan)
    • Nuansa Islam Mahasiswa (SALAM)
    • Persekutuan Oikumene Universitas Indonesia (PO UI)
    • Kulawarga Mahasiswa Katolik UI (KMK UI)
    • Suara Mahasiswa UI
    • Radio Mahasiswa
    • Keluarga Mahasiswa Buddhis Universitas Indonesia (KMBUI)

Fasilitas[édit | sunting sumber]

Masjid Ukhuwah Islamiyah di tengah kampus.

Asrama[édit | sunting sumber]

UI ngabogaan dua asrama, nyaéta Asrama Mahasiwa UI Dépok sarta Asrama Mahasiswa UI Wismarini. Asrama nu kahiji perenahna di kampus Dépok, kalawan kapasitas 480 kamar pikeun mahasiswa sarta 615 kamar pikeun mahasiswi, anu saban kamarna bisa dieusi ku hiji nepi ka tilu urang. Samentara asrama anu séjén perenahna di Jl. Otto Iskandardinata no. 38 Jakarta Wétan kalawan kapasitas 72 kamar keur mahasiswa sarta 111 kamar pikeun mahasiswi. Asrama Mahasiswa UI Wismarini ieu husus disadiakeun pikeun mahasiswa anu kuliah di Fakultas Kadokteran, Fakultas Kadokteran Huntu, sarta program séjén anu aya di kampus UI Salémba.

Balé Mahasiswa[édit | sunting sumber]

Balé mahasiswa UI Salémba mangrupa salah sahiji fasilitas anu aya dina panangtayungan Direktorat Kemahasiswaan dan Hubungan Alumni. Gedong nu bisa ngawadahan 300 jelema ieu mindeng dipaké pikeun sagala rupa kagiatan kawas seminar, rapat, jeung lain-lain. Sajaba pikeun para mahasiswa jeung warga UI, gedong ieu ogé diséwakeun pikeun umum.

Beus Kampus[édit | sunting sumber]

Beus kampus disadiakeun pikeun ngaladénan kaperluan transportasi mahasiswa di jero kampus UI Dépok. Pikeun warga UI, beus ieu leuwih dipikawanoh ku sebutan Beus Konéng (Bikun), alatan beus ieu ngabogaan warna dominan konéng. Nepi ka taun 2005, UI geus ngabogaan 20 unit Beus Kampus. Beus-beus kasebut sacara rutin ngaladénan rute di jero kampus dina poé Senén—Jumat, mimiti pukul 07.00-19.00.

Fasilitas jeung sarana olahraga[édit | sunting sumber]

Fasilitas jeung sarana olahraga nu dipiboga ku UI diantarana:

  • Stadion
    • Lapang Sépak Bal
    • Lumpat Jangkit
    • Atlétik
  • In Door (Gimnasium)
    • Lapang Badminton
    • Lapang Voli
    • Lapang Bal Baskét
  • Luar Gedong
    • Lapang Hoki
    • Lapang Ténis ( 4 baris )
    • Lapang Baskét (3 baris )
    • Lapang Voli (3 baris)
    • Lapang Badminton (sabaris)

Puseur Kagiatan Mahasiswa[édit | sunting sumber]

Puseur Kagiatan Mahasiswa (Pusgiwa) UI mangrupa tempat sagala rupa kagiatan mahasiswa UI. Di dieu aya sekretariat sagala rupa organisasi kamahasiswaan anu aya di UI. Sajaba ti éta, aya ogé sagala rupa fasilitas anu bisa dipaké ku para mahasiswa UI. Fasilitas éta antara séjén aula anu bisa nampung kurang leuwih 300-400 jelema.

Wisma Makara[édit | sunting sumber]

Wisma Makara perenahna di palebah Asrama Mahasiswa UI Dépok. Tempat ieu dipaké minangka sarana akomodasi di wewengkon Jakarta Kidul sarta Depok, jeung mindeng dipaké pikeun kagiatan kawas seminar, palatihan, workshop, lokakarya, sarta séjén-séjénna.

Lagu[édit | sunting sumber]

Di handap ieu aya rumpaka lagu anu dijadikeun lagu wajib di Universitas Indonesia. Lagu-lagu ieu ilahar ditembangkeun dina acara-acara resmi universitas, panyambutan mahasiswa anyar (maba), sarta wisuda.



Hymne Almamater
Ciptaan: H.S. Mutahar

Almamaterku setia berjasa
Universitas Indonesia
Kami wargamu
Bertekad bersatu
Kami amalkan tridharmamu
Dan Mengabdi Tuhan
Dan mengabdi bangsa
Dan Negara Indonesia


 

Genderang Universitas Indonesia
Universitas Indonesia universitas kami
Ibukota negara pusat ilmu budaya bangsa
Kami mahasiswa pengabdi cita
Ngejar ilmu pekerti luhur tuk nusa dan bangsa

Semangat, lincah, gembira[1]
Sadar bertugas mulia
Berbakti dalam karya
Mahasiswa

Universitas Indonesia perlambang cita
Berdasarkan pancasila dasar negara
Kobarkan semangat kita demi ampera

Cutatan suku[édit | sunting sumber]

  1. Dahulu, lirik lagu baris ini adalah "Buku, pesta, dan cinta"

Rujukan[édit | sunting sumber]

Loka[édit | sunting sumber]