Urang aring

Ti Wikipédia, énsiklopédia bébas
Luncat ka: pituduh, sungsi
Urang-aring
Urang-aring, Eclipta alba
Klasifikasi ilmiah
Kingdom: Plantae
(unranked): Angiosperms
(unranked): Eudicots
(unranked): Asterids
Order: Asterales
Family: Asteraceae
Genus: Eclipta
Species: E. alba
Ngaran binomial
Eclipta alba
(L.) Hassk.
Sinonim

Eclipta erecta
Eclipta prostrata
Verbesina alba
Verbesina prostrata

Urang-aring nya éta ngaran tutuwuhan anu watangna ngarancabang, tumuwuhna biasana di sisi jalan, di lapang, atawa di sisi solokan. [1] Ieu tutuwuhan jangkungna ngan ukur nepi ka 80 cm, tumuwuhna ajeg ka luhur atawa nyanggeyeng. [1] Warna watangna héjo semu coklat, aya buluan warna bodas. Wangun daunna lansét, warnana héjo, tungtungna seukeut, sisina régé-régé lemes ampir rata, daunna kasar aya buluan warna bodas. [1] Kembangna majemuk warna bodas tur laleutik. Buahna panjang, ceper, heuras, tur buluan. [1]

Kandungan[édit | sunting sumber]

Urang aring ngandung ecliptine, alfaTerthienylmethanol, 2-(Buta-1,3-diynyl)-5-(but-3-en-1-ynyl) thiophene, 2-(Buta-1,3-diynyl)-5-(4-chloro-3-hydroxybut-1-ynyl) thiophene, 5-(3-Buten-1-ynyl)-2,2'-bithienyl-5'-methyl acetate, wedelolactone. [1]

Mangpaat[édit | sunting sumber]

Salian ti dimangpaatkeun pikeun nyuburkeun rambut, urang-aring mangpaat pikeun ubar pendarahan, nurunkeun panas, anti racun, [1] ubar jang utah getih, mimiseun, kiih getih, ngising getih, hepatitis, diare, kurang gizi, keputihan, jeung huisan. [2]

Referensi[édit | sunting sumber]

  1. a b c d e f Urang-aring (id) (Diakses ping 16 Oktober 2011)
  2. urang-aringl (id) (Diakses ping 16 Oktober 2011)