Vakuol

Ti Wikipédia, énsiklopédia bébas basa Sunda
Luncat ka: pituduh, sungsi
Biological cell vacuole.svg

Vakuola nyaéta organél sél nu mangrupa kantong nu membranna ganda.[1] Vakuola nu ukranna leutik disebut vésikel.[1] Vakuola ngabogaan struktur sarta fungsi anu rupa-rupa jeung deui bisa dipanggihan dina sél tutuwuhan sarta sato.[1] Vakuola sél tutuwuhan sipatna teh matuh.[2] Sél-sél tutuwuhan nu ngabogaan vakuola gedé biasana nyaéta sél-sél parénkima sarta kolénkima.[2] Vakuola kasebut diwatesan ku membran anu disebut tonoplas.[2] Vakuola fungsina salaku tempat sékrétori, ékskrétori, sarta panyimpenan.[2]

  1. Dina sel tutuwuhan, vakuola ukuranna gedé kalayan jumlahna nu sauetik sarta ngaeusian 90% volume sél.[1] Vakuola dibungkus ku tonoplas, nyaéta mémbran tunggal anu ngatur patukerna matéri antara sitoplasma sarta cairan di jerona.[1] Vakuola téh ngandung cai, oksigen, karbon dioksida, asam, uyah, kristal, sarta pigmén.[1] Vakuola dina tutuwuhan fungsina pikeun nyimpen zat-zat kadaharan, zat sésa métabolisme nu bahaya pikeun sél, sarta ngajaga tekenan inetrnal cai (tekenan tugor) sel.[1] Dina tangkal karét vakuola ngandung getah dina wangun émulsi.[1] Dina tutuwuhan nu tangtu, kakandung minyak aéteris, misal dina tangkal jahé kakandung zingiberin, dina malati kakandung jasmine, sarta dina jeruk kakandung sitrin.[1] Vakuola dina daun bako ngandung senyawa alkaloid nu beracun nu disebut nikotin, sedengkeun dina tomat ngandung likopersin.[1]
  2. Dina sawatara protista (protozoa) sarta spons, sipatna spésifik.[1] vakuola bisa mangrupa vakuola kontraktil sarta vakuola kadaharan.[1] Vakuola kontraktil gunana ngatur tekenan osmosis cairan sél, sedengkeun vakuola kadaharan gunana nyimpen sarta nyerep kadaharan.[1]

Rujukan[édit | sunting sumber]

  1. a b c d e f g h i j k l m (id) Jati, Wijaya. 2007. Aktif Biologi. Jakarta: Ganeca exact. Kaca 12
  2. a b c d (id) Syamsuri, Istamar. Biologi Jilid II Untuk SMA Kelas XI Semester 1. Jakarta: Erlangga. Kaca 18
Nulis.jpg