Wihara
Wihara nya éta tempat ibadah agama Budha. [1] Kecap wihara asalna ti basa Pali (basa India Kuno) anu hartina tempat cicing atawa tempat puja bhakti (Gunawan, 2000:1). [2] Wihara ogé bisa diartikeun minangka biara Budha atawa tempat pasamoan para biarawan Budha. [2]
Daptar eusi |
[édit] Fungsi
Wihara miboga fungsi salaku tempat ngalakukeun puja bakti, tempat pembabaran, penghayatan sarta pangamalan dhamma (ajaran agama Budha), minangka tempat latihan meditasi dina usaha ngarealisasikeun pancén suci sarta minangka tempat cicingna para bhikku jeung samanera. [2]
[édit] Peran
Wihara miboga peran salaku puseur kagiatan kaagamaan anu diharepkeun bisa ngaronjatkeun moral sarta budi pekerti luhur dina kahirupan agama pikeun umat Budha, ngadidik, sarta ngabalukarkeun kasadaran dina neuleuman dhamma dina umat Budha sarta masarakat umum sangkan bisa leuwih alus dina bermasarakat (Gunawan, 2000:52). [2]
[édit] Fasilitas
Fasilitas nu aya di jero Wihara nya éta: [2]
1. Patung Budha, patung ieu miboga genep wangun jeung harti anu béda, diantarana: [2]
- Vitarka Mudra hartina biantara.
- Dharmacakra Mudra hartina muter roda ajaran Budha.
- Dhyani Mudra hartina tapa.
- Abhayana Mudra hartina teu sieun.
- Bhumisparsa Mudrahartina ngahiji jeung alam atawa bumi.
- Vara Mudra hartina béréhan (John, 1990 : 54-55). [2]
2. Kitab Suci Tripitaka, diteundeun digigireun patung budha. [2]
3. Lilin, nu miboga harti salaku lambang ti dhamma jeung vinaya (kitab nu eusina aturan para bhikku) nu nyaangan batin jeung ngusir kasieun. [2]
4. Dupa, nu miboga harti salaku lambang seungitna kahadéan. [2]
5. Kembang, miboga harti salaku lambang kaéndahan jeung teu kekalna ti sakabéh nu aya di alam dunya. [2]
6. Cai, miboga harti salaku lambang soméah.[2]
7. Genta nu fungsina pikeun tanda waktu kabaktian. [2]
8. Bel nu fungsina pikeun ngabuka waktu kabaktian.[2]
9. Bungbuahan salaku sasajén.[2]
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
